Балигъ булмаганнар эшләре буенча Республика комиссиясе утырышында

Үткән атна ахырында Яр Чаллы шәһәрендә Балигъ булмаганнар эшләре һәм аларның хокукын яклау буенча Республика комиссиясе утырышы булды. Аның эшендә Татарстан Республикасы муниципаль берәмлекләренең балигъ булмаганнар эшләре һәм аларның хокукын яклау буенча комиссияләрнең җаваплы секретарьлары, Яр Чаллы шәһәренең хокук бозуларны кисәтү системасы учреждениеләре хезмәткәрләре катнашты. ТР Юстиция министрлыгыннан вәкил булып ТР юстиция министры урынбасары, балигъ булмаганнар эшләре һәм аларның хокукын яклау буенча Республика комиссиясе әгъзасы М.Х.Вафин барды.

Комиссия утырышында балигъ булмаганнарның хокук бозуын кисәтү системасы субъектларының иректән мәхрүм итү урыннарыннан яки ябык типтагы махсус укыту-тәрбия бирү учреждениеләреннән кайткан балигъ булмаганнарны тернәкләндерүне тәэмин итү буенча эшчәнлекләре мәсьәләсе тикшерелде, ошбу кысаларда “Балигъ булмаганнар тарафыннан хокук бозуны кисәтү системасы органнары һәм учреждениеләренең үзара хезмәттәшлек тәртибе, җәзаларны үтәтү системасы учреждениеләренең җәзаларны үтәтү системасы учреждениеләреннән, ябык типтагы махсус укыту-тәрбия бирү учреждениеләреннән кайткан, шулай ук шартлы рәвештә ирекләреннән мәхрүм ителгән, мәҗбүри эшкә хөкем ителгән яки иректән мәхрүм итү белән бәйле булмаган бүтән җәза төрләренә хөкем ителгән балигъ булмаганнар белән эшләү турында”ведомствоара килешү расланды.

Югарыда әйтелгән документны кабул итү җәзаларны үтәтү системасы учреждениеләреннән кайтучы, шулай ук ябык типтагы махсус укыту-тәрбия бирү учреждениеләреннән кайткан балигъ булмаганнарны социаль адаптация мәсьәләсе белән бәйле. Хәзерге вакытта балигъ булмаганнарның әлеге категориясен ресоциализацияләүгә юнәлдерелгән, хокук бозуларны профилактикалау системасы яшәп килә, әмма төрле структура һәм ведомстволарның эшендәге таркаулык кабул ителә торган чараларның нәтиҗәлелеген киметә.

Утырышта катнашучылар шулай ук балигъ булмаганнар арасында хокук бозуларны кисәтү буенча Татарстан Республикасы белем бирү учреждениеләренең педагогик коллективы һәм милициянең мәктәп инспекторларының бердәм эшчәнлеген оештыру мәсьәләсен дә тикшерделәр. Мисал буларак Яр Чаллы шәһәрендә алып барыла торган эш тәҗрибәсе китерелде.

Үз-үзләренә кул салу тенденциясе булган балалар һәм яшүсмерләр төркемен мөмкин кадәр иртәрәк ачыклау мәсьәләсе буенча ТР Сәламәтлек саклау министрлыгы әзерләгән мәгълүмат тыңланды., анда кризис халәте һәм үз-үзләренә кул салу тәртибе күзәтелгән затларга махсуслаштырылган ярдәм күрсәтү өчен белгеч-психологлар тарафыннан кабул ителә торган комплекслы чаралар бәян ителгән.

2009 елның гыйнварыннан алып ТР Сәламәтлек саклау министрлыгы Казан дәүләт медицина университетының психиатрия кафедрасы һәм ТР Мәгариф һәм фән министрлыгы белән берлектә үз-үзләренә кул салу тәртибе тенденцияләре күзәтелгән яшүсмерләрне мөмкин кадәр иртәрәк ачыклау максаты белән гомуми белем бирү учреждениеләренә профилактика программаларын кертү планының проектын әзерләде. Балигъ булмаганнар арасында үз-үзләренә кул салу тәртибен кисәтү механизмының эшчәнлеген нәтиҗәлерәк итү өчен Татарстан Республикасы Министрлар Кабинеты каршындагы балигъ булмаганнар эшләре комитеты ТР Сәламәтлек саклау министрлыгына яшүсмерләр арасында үз-үзләренә кул салуны профилактикалау буенча ведомствоара үзара бәйләнеш алгоритмын эшләү йөкләмәсе бирде. Әлеге мәсьәлә буенча ТР Мәгариф һәм фән министрлыгына, башкарма комитет җитәкчеләренә, муниципаль берәмлекләрнең балигъ булмаганнар эшләре һәм аларның хокукын яклау комиссияләре рәисләренә төрле йөкләмәләр бирелде.

Билгеле булганча, 2008 елның декабрендә Татарстан Республикасында “Балигъ булмаганнарның иҗтимагый тәрбиячеләре турында” Татарстан Республикасы Законы кабул ителде. Татарстан Республикасында Иҗтимагый тәрбиячеләре институты балигъ булмаганнар тарафыннан хокук бозуларны кисәтү өлкәсендәге социаль сәясәтне камилләштерү һәм гаилә һәм балачакны яклау буенча конституция нормаларын гамәлгә ашыру максатларында оешты. Әлеге Законны гамәлгә ашыру һәм иҗтимагый тәрбиячеләр эшчәнлеген оештыру һәм контрольдә тоту максатларында ТР Министрлар Кабинеты каршындагы Балигъ булмаганнар эшләре буенча Республика комиссиясе Татарстан Республикасы территориясендә балигъ булмаганнарның иҗтимагый тәрбиячеләре таныклыкларын бирү тәртибен һәм аларның өлгесен раслады.

 

ТР Юстиция министрлыгының Матбугат үзәге