Сайлау оешмаларының җирле үзидарә органнарына сайлауларда катнашу тәртибен билгеләүче Федераль законга кул куелды

“Сәяси партияләр турында” Федераль законның 25 һәм 26 статьяларына үзгәрешләр кертү хакында” 05.04.2009 елдагы 42-ФЗ номерлы Федераль закон һәм “Россия Федерациясе гражданнарының сайлау хокукы һәм референдумда катнашу хокукының төп гарантияләре турында” Федераль закон сәяси партияләр булмаган сайлау оешмаларының җирле үзидарә органнарына сайлауларда катнашулары тәртибен тәгаенләүгә юнәлдерелгән.

Муниципаль берәмлекләрнең вәкиллекле органнарына сайлаулар үткәргәндә сәяси партияләр булмаган һәм “Россия Федерациясе гражданнарының сайлау хокукы һәм референдумда катнашу хокукының төп гарантияләре турында” Федераль закон таләпләренә туры килгән иҗтимагый берләшмәләр, шулай ук мондый иҗтимагый берләшмәләрнең структур бүлекчәләре кандидатларны бары бермандатлы һәм күпмандатлы сайлау округлары буенча гына тәкъдим итә ала. Кандидатлар исемлеге фәкать сәяси партияләр, аларның төбәк бүлекчәләре һәм бүтән структур бүлекчәләре тарафыннан гына тәкъдим ителә. Шул ук вакытта закон нигезендә теркәлгән һәм сәяси партия берләшмә яки союз оештырган төрле иҗтимагый берләшмә, шулай ук әлеге иҗтимагый берләшмәнең структур бүлекчәләре кандидатлар исемлегенә кертү өчен кандидатларны тәкъдим итү хокукына ия. Мондый кандидатилар саны исемлек составында тәкъдим ителгән кандидатлар санының 15 процентыннан артып китәргә тиеш түгел. Иҗтимагый берләшмә яки аның структур бүлекчәсе тәкъдиме буенча кандидатлар исемлегенә кертелә алачак кандидатларның максималь санына карата таләп сәяси партия ике һәм аннан да күбрәк иҗтимагый берләшмәне үз эченә алган берләшмә яки союз оештыру очрагына да кагыла. Күрсәтелгән берләшмә яки союз оештырганда сәяси партия, аның төбәк бүлекләре һәм бүтән структур бүлекчәләренең кандидатлар исемлеген тәкъдим иткәндә әлеге исемлекләргә иҗтимагый берләшмә яки аның структур бүлекчәләре тәкъдим иткән кандидатларны кертү бурычын ныгыта торган килешү төзелүе Федераль закон белән күздә тотыла. Килешүдә иҗтимагый берләшмә яки аның структур бүлекчәләре кандидатлар исемлегенә кертү өчен кандидатларны тәкъдим итү тәртибе, шулай ук тәкъдим ителгән теге яки бу кандидатның алда телгән алынган исемлеккә кертелмәвенә нигезләмәләр күрсәтелә.

 

РФ Президентының рәсми сайты материаллары буенча