“БДБның инновация киңлекләре үсеше. Бердәмлек илләренең сәүдә-сәнәгать палаталарының роле һәм урыны” Халыкара форумында

16 апрельдә “Корстон” Кунакханә сәүдә Күңел ачу Комплексында “БДБның инновация киңлекләре үсеше. Бердәмлек илләренең сәүдә-сәнәгать палаталарының роле һәм урыны” Халыкара форумның ачылышы узды.  Вәкиллекле форумны ачу тантанасында Татарстан Республикасы Президенты Минтимер Шәймиев, Россия Федерациясе Президентының Идел буе федераль округындагы вәкаләтле вәкиле Григорий Рапота, Россия Федерациясенең сәүдә-сәнәгать палатасы президенты Евгений Примаков, Татарстан Республикасы премьер-министры Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасының сәүдә-сәнәгать палатасы идарәсе рәисе Шамил Агеев катнашты.

Форумның максатлары: Бердәмлек илләренең бердәм инновация үсеше өлкәсендә кооперация өчен шартлар булдыруда булышлык итү һәм Бердәмлек илләренең сәүдә-сәнәгать палаталарының әлеге процесста җәмгыять һәм дәүләт ихтыяҗларыннан чыгып эш итүче буларак ролен билгеләү.

Халыкара форумның пленар утырышлары һәм “түгәрәк өстәлләре” эше 16 һәм 17 апрельләрдә узды. Форум эшендә дәүләт хакимияте органнарыннан, сәүдә-сәнәгать палаталарыннан-БДБ катнашучы дәүләтләрнең, халыкара оешмалардан, эшкуарлар берләшмәсеннән, БДБ илләренең кече, урта һәм эре бизнесынна 200 дән артык җитәкче һәм вәкил катнашты. Бүген “БДБ илләренең инновацион үсешен законнар белән тәэмин итүне координацияләү” темасына “түгәрәк өстәл” утырышында инновация эшчәнлеге өлкәсендә хокукый җайга салу мәсьәләләренә багышланган доклад белән Татарстан Республикасы юстиция министрының беренче урынбасары С.Н.Столяров катнашты. Үз чыгышында ул инновация эшчәнлеге турында Россия Федерациясенең законнар базасына анализ тәкъдим итте. Аерым алганда Россия Федерациясендә инновациягә аңлатма бирүче, инновация төрләрен инновация эшчәнлеген гамәлгә ашыру тәртибен билгели торган бердәм закон актының юклыгы билгеләнде. Аерым Федерация субъектлары тарафыннан үзләренең территориясендә инновация эшчәнлеген җайга салучы 30дан артык закон кабул ителде.  Россия Федерациясендә дәүләтнең инновация сәясәтен эшләү һәм аны гамәлгә ашыруның норматив базасын камилләштерү омтылышлары күзәтелде, әмма тулаем алганда нормалар чыгару инновациягә дәүләт ярдәменең төрле чараларын билгеләүгә кайтып кала. Шуның белән бәйле рәвештә докладта закон чыгаручы алдында торучы ике төп мәсьәлә билгеләнде. Алга таба доклад сөйләүче Россия Федерациясе субъекты дәрәҗәсендә инновация эшчәнлеген норматив җайга салу роленә туктады.

 

Татарстан Республикасы Юстиция министрлыгының Матбугат үзәге