Татарстан Республикасы җәмагать судьялары аппараты хезмәткәрләренең квалификация имтиханы

Татарстан Республикасы Юстиция министрлыгында Татарстан Республикасы юстиция министрының урынбасары рәисе Ә.Б.Сираҗетдинов белән Министрлыкның квалификация комиссиясе утырышы узды. Комиссия әгъзалары Татарстан Республикасы җәмәгать судьялары аппараты хезмәткәрләренең белемнәренә, күнекмәләренә һәм һөнәр дәрәҗәсенә бәя бирделәр.

Квалификация имтиханы вакытында хезмәткәрнең һөнәр дәрәҗәсенә бәя вазыйфаны биләп тору буенча квалификация таләпләренә, хезмәткәр алдына куелган мәсьәләләрне хәл итүдә катнашуга, эшләнүче эшнең нәтиҗәлелегенә, һөнәри белемнәргә нигезләнә.

“Татарстан Республикасының дәүләт граждан хезмәте турында” Татарстан Республикасы Законының 22 статьясы нигезендә квалификация имтиханы дәүләт хезмәте вазыйфасын биләп тору буенча дәүләт хезмәткәренә дәүләт хезмәтенең класслы чинын бирү турында мәсьәләләрне хәл итүдә үткәрелә. Квалификация имтиханы елга бер тапкырдан еш һәм өч елга бер тапкырдан сирәк үткәрелмәскә тиеш.

Ике көн эчендә республиканың, шул исәптән Казан шәһәре җәмәгать судьялары аппаратлары хезмәткәрләренең 80 диярлек вазыйфаны биләп тору буенча дәүләт хезмәте класслы чинын алу өчен сынауны уңышлы уздылар. Аларның 25се класслы чинын алуга имтиханны беренче тапкыр, ә 52се имтиханны яңа класслы чинын алу мәсьәләсен хәл итү белән бәйле рәвештә бирделәр.

Квалификация комиссиясе әгъзалары күбесенчә югары белемле яки тәмамланмаган югары белемле җәмәгать судьялары аппараты хезмәткәрләренең теориядә һәм тәҗрибәдә югары нәтиҗәләр күрсәтүләрен искәрттеләр.

 

Татарстан Республикасы Юстиция министрлыгының Матбугат үзәге