Президент РФ субъектының хакимияте югары башкарма органының башлык вазыйфасын биләп торуга кандидатлар турында тәкъдимнәрне карау тәртибен раслады

Россия Президенты Дмитрий Медведев “РФ субъектының югары вазыйфаи зат (дәүләт хакимиятенең югары башкарма органы җитәкчесе)  вазыйфасына кандидатлар турында тәкъдимнәрне кертү һәм карау тәртибе турында Нигезләмәне раслау хакында” Указга кул куйды.

Бу турыда дәүләт башлыгының матбугат үзәге хәбәр итте.

РФ Президентына РФ субъектының югары вазыйфаи зат (дәүләт хакимиятенең югары башкарма органы җитәкчесе) вазыйфасына кандидатлар турында тәкъдимне кандидатлар исемлеге Федерация субъекты дәүләт хакимиятенең закон чыгару (вәкиллекле) органына сайлаулар нәтиҗәләренең тәкъдимен кертү көненә якын рәсми басылып чыккан нигездә сайлаучыларның күпчелек тавышын җыйган һәм депутатлар мандатларын билгеләүгә кертелгән сәяси партиянең коллегиаль даими эшләүче идарә органы тарафыннан кертелә.

Югарыда күрсәтелгән Нигезләмә нигезендә сәяси партия өчтән дә ким булмаган кандидатлар турында тәкъдимне РФ субъектының югары вазыйфаи зат вәкаләтләрен башкару вакыты тәмамлануга кадәр 90 көннән дә соңга калмыйча, ә РФ субъектының югары вазыйфаи зат вәкаләтләрен башкаруны вакытыннан алда туктату очракларында-туктаткан көннән соң 30 көн узганчы кертә.

Сәяси партия тарафыннан кандидатлар турында тәкъдимне керткәнче РФ Президенты һәм сәяси партиянең вәкаләтле вәкиле консультация үткәрәләр.

Сәяси партия тарафыннан кандидатлар турында тәкъдимне керткәндә тәкъдим ителгән кандидатларның абруе һәмхезмәт абруе, аларның җәмгыяви (дәүләт һәм җәмәгать) эшчәнлеге тәҗрибәсе, шулай ук консультация нәтиҗәләре исәпкә алына.

Әгәр РФ субъекты дәүләт хакимиятенең закон чыгару органы РФ Президенты тарафыннан кертелгән кандидатны югары вазыйфаи затның вәкаләтләре белән вәкаләтләндерүе турында килешүне ике тапкыр кабул итмәсә, дәүләт башлыгы тәкъдиме буенча сәяси партия белән өстәмә консультацияләр үткәрелергә мөмкин. Консультацияләр нәтиҗәләре буенча Президент сәяси партиягә кандидатлар турында тәкъдимне кертергә рөхсәт итәргә мөмкин.

Әгәр сәяси партия кандидатлар турында тәкъдимне кертү хокукыннан файдаланмаган булса яки кандидатлар турында тәкъдимне таләпләрне бозып керткән булса, РФ Президенты югары вазыйфаи зат вазыйфасына кандидатны үзе билгели. Кандидат федераль резервка кертелгән идарә итү кадрларының затлары тарафыннан да тәкъдим ителергә мөмкин.

 

РФ Президентының рәсми сайты материаллары буенча