Россия Федерациясенең милли куркынычсызлык Стратегиясе турында

2009 елның 12 маендагы 537 номерлы РФ Президентының Указы нигезендә 2020 елга кадәр Россия Федерациясенең милли куркынычсызлык Стратегиясе расланды. Озак вакытлы перспективага Россия Федерациясенең милли мәнфәгатьләренә демократияне һәм граждан җәмгыятен үстерү, милли икътисадның конкурентлылыкка сәләтлелеген күтәрү; конституция төзелеше, территориаль бөтенлек һәм РФ суверенитеты көче; Россияне дөнья державасы итү кертелде.

Россия Федерациясенең милли куркынычсызлыгы өстенлеге булып милли кораллы көчләр, дәүләт һәм җәмәгать куркынычсызлыгы тора. Милли кораллы көчләрнең стратегияле максатлары исәбенә глобаль һәм региональ сугышларны һәм конфликтларны булдырмый калу, илнең хәрби куркынычсызлыгын тәэмин итү максатларында стратегияле тотып тору кертелде.

Россия Федерациясенең хәрби куркынычсызлыгы куркынычы кебек хәрби өлкәдәге өстенлек итүче өстенлекккә ирешү өчен юнәлдерелгән берничә әйдәүче чит илләрнең сәясәте бәяләнде. Шуның белән бәйле рәвештә стратегияле атым-төш кораллары потенциалын саклау, даими хәзерлек бүлекләре санын үстерү, сугышчыларның оператив һәм хәрби хәзерлеген камилләштерү белән Россия Федерациясенең кораллы көчләрен сыйфатлы итеп яңа абруйга күчерү каралган.

Дәүләт һәм җәмәгать куркынычсызлыгына төп куркынычны түбәндәгеләр яный: терроризм; экстремизм; чит ил махсус хезмәтенең разведка эшчәнлеге; оештырылган җинаять. Шуның белән бәйле рәвештә хокук саклау органнары һәм махсус хезмәтләр эшчәнлегенең нәтиҗәлелеген үстерергә, хокук бозулар профилактикасының бердәм системасын булдырырга, коррупциячелек һәм җәмгыятьнең криминальләшү дәрәҗәсен төшерергә кирәк. Махсус игътибар Россия Федерациясенең дәүләт чиген саклауга бирелергә тиеш.

Милли куркынычсызлыкның стратегияле максатларының берсе булып россиялеләрнең яшәү дәрәҗәсен күтәрү тора. Әлеге өлкәдәге төп максатлар - үз куркынычсызлыгыңны, уңайлы торак алуны, югары сыйфатлы һәм куркынычсыз товарлар белән тәэмин итү һәм хезмәтләр күрсәтү, тиешле хезмәт хакы белән тәэмин итү.

Аерым игътибар икътисад үсешенә (Россия якындагы вакыт аралыгында ЭТП күләме буенча алдынгы илләр бишлегенә керергә планлаштыра), фәнне, технологияләрне, сәламәтлек саклауны һәм мәгарифне үстерүгә, мәдәни потенциалны саклауга бирелә.

Россия Федерациясе милли куркынычсызлыкның алдан расланган концепциясе көчен югалтуы танылды. Указ аңа кул куелган көннән соң көчкә керә.

 

www.garant.ru