Дәүләт Думасы балаларны көчләүдән чикләде

Дәүләт Думасы соңгы өченче укылышта “Россия Федерациясендә бала хокукларының төп гарантияләре турында” законга төзәтүләрне хуплады. Алар балигъ булмаган балалар көчләүне, кырыслыкны, җенси азгынлыкны һәм наркоманияне пропагандалаучы аудио-видео һәм басма продукцияне алу мөмкинлеген чиклиләр. ER.RU корреспонденты әйтүенчә, “әйе” дип 444 депутат тавыш бирде, берсе тыелып калды.

РФ субъектлары законнары тарафыннан яшьләрнең әхлакый һәм рухи сәламәтлеге өчен куркыныч булган мәгълүмати продукцияне алу мөмкинлеген чикләүләр билгеләнергә мөмкин. Төзәтүләр 16 яшьтән алып 18 яшькә кадәр булган балаларга таратыла. “Балаларның аңнарына тәэсир итүче тискәре йогынтылардан сакларга чакырылган әлеге чикләүләр күп илләрдә көчкә ия”,- дип әйтте “Бердәм Россия” фракциясеннән депутат Наталья Ермакова. Шулай итеп, Австралиядә, Германиядә һәм Англиядә “зурлар өчен” мәгълүматны 18 яшьтән, ә Польшада һәм Сингапурда-21 яшьтән “кулланырга” мөмкин дип ачыклады парламентарий.

Хәзерге вакытта Дәүләт Думасы карамагында “балаларны сәламәтлекләре һәм усешләренә зыян китерүче мәгълүматтан яклау турында” закон проекты бар. Ул туры килүче аудио-видео һәм басма продукцияне куллана алучылар яшен күрсәтүне продукцияне эшләп чыгаручылар вазыйфасы дип саный. Әлеге законны кабул иткән очракта 12 яшькә кадәрге балаларга курку һәм коткы уятучы телевизион тапшырулар карарга рөхсәт ителмәячәк. 12 яшьтән алып 16 яшькә кадәрге балалар өчен фильм һәм программаларда көчләү күренешләрен ягъни “корбанны кызгану хисе белән сугарылган” күренешләрне карарга рөхсәт итәчәкләр. Ә 16 яшьтән алып ачыктан-ачык җенси мөнәсәбәтләрне үз эченә алмаган мәхәббәт күренешләрен карарга рөхсәт ителәчәк.

 

“Бердәм Россия” партиясенең рәсми сайты