Хокук мәсьәләләре буенча җирле үзидарә органнары белән үзара хезмәттәшлекне оештыру департаментының эше турында

Татарстан Республикасы Юстиция Министрлыгында Хокук мәсьәләләре буенча җирле үзидарә органнары белән үзара хезмәттәшлекне оештыру департаменты эшли. Аның төп бурычы булып республикада муниципаль реформаны гамәлгә ашыру кысаларында җирле үзидарә органнары эшчәнлегенә хокукый ярдәм күрсәтү, җирле үзидарә өлкәсендә дәүләт сәясәтен гамәлгә ашыруда катнашу, җирле үзидарә органнарына аларның эшчәнлеген оештыру-методик һәм хокукый тәэмин итүдә ярдәм күрсәтү тора.

Һәр муниципаль район һәм Яр Чаллы шәһәре округы буенча Департамент хезмәткәрләре территориаль билгеләнгән.

Алар җирле үзидарә органнарына алар тарафыннан аерым тапшырылган дәүләт вәкаләтләрен башкарганда, җирле әһәмияткә ия мәсьәләләрне һәм җирле үзидарә эшчәнлеге өлкәсендәге башка мәсьәләләрне хәл итүдә хокукый ярдәм күрсәтеп үз эшчәнлекләрен урыннарда гамәлгә ашыралар.

“Россия Федерациясендә җирле үзидарәне оештыруның гомуми принциплары турында” 06.10.2009 елдагы 131-ФЗ номерлы Федераль законны гамәлгә ашыру кысаларында җирле әһәмияткә ия мәсьәләләрне хәл иткәндә җирле үзидарә органнары җиңел булмаган бурычларга юлыгалар. Аларны хәл итү хәзерге законнарны белүнең югары дәрәҗәдә булуын һәм аларны тәҗрибәдә куллана белүне таләп итә.

Шуның белән бәйле рәвештә Департамент белгечләренең роле бик мөһим, чөнки республиканың (шәһәр һәм авыл җирлекләрендә) муниципаль берәмлекләрендәге   җирле үзидарә органнарының күбесендә юридик белемле белгечләр юк. Департамент белгечләре үзләренең вазыйфаи бурычларын башкару кысаларында җирле үзидарә органнарына җирле үзидарә турында законнарны куллану мәсьәләләре буенча оештыру-методик һәм хокукый консультацияләр белән ярдәм итүне, җирле үзидарә оганнарының норматив хокукый актлары проектларының хокукый экспертизасын һәм норматив хокукый актларның коррупциягә каршы экспертизасын гамәлгә ашыруда ярдәм күрсәтүне, дәгъва шикаятьләре һәм бәяләмәләрне әзерләүне, суд органнарында вәкиллек итүне гамәлгә ашыралар.

Департамент белгечләренең Яр Чаллы шәһәр округында, Әлмәт, Биектау, Чүпрәле, Зәй, Зеленодольск, Лаеш, Тәтеш һәм Ютазы муниципаль районнарындагы актив эшчәнлеген билгеләп үтәргә кирәк.

Шулай итеп, мәсәлән 2009 елның 1 кварталы нәтиҗәләре буенча Биектау муниципаль районында Департамент белгече тарафыннан җирле үзидарә органнарының 250 мөрәҗәгате каралган, Зеленодольск муниципаль районында белгеч тарафыннан җирле әһәмияткә ия мәсьәләләргә кагылышлы җирле үзидарә турында законнарны куллану мәсьәләләре буенча җирле үзидарә органнарына 83 язма һәм 53 телдән оештыру-методик һәм хокукый консультацияләр бирелгән, Ютазы муниципаль районында белгеч тарафыннан муниципаль норматив хокукый актның 21 проектына кагылышлы хокукый экспертиза үткәрелде.

“Татарстан Республикасының муниципаль норматив хокукый актлары регистры турында” 09.02.2009 елдагы 14-ТРЗ номерлы Татарстан Республикасы Законын кабул итү, “Татарстан Республикасының муниципаль норматив хокукый актлары регистрын оештыру һәм алып бару чаралары турында” 27.02.2009 елдагы УП-107 номерлы Татарстан Республикасы Президенты Указын чыгару белән бәйле рәвештә җирле үзидарә органнарына Департамент белгечләре тарафыннан алга таба муниципаль норматив хокукый актларны Татарстан Республикасы муниципаль норматив хокукый актлар регистрына кертү өчен муниципаль норматив хокукый актларны сайлауда һәм аларны Татарстан Республикасы Юстиция Министрлыгына җибәрүдә хокукый ярдәм күрсәтелә.  

 

Татарстан Республикасы Юстиция Министрлыгының Матбугат үзәге