“Хөкүмәт сәгате” өчен тәкъдим

Татарстан Республикасы Юстиция министрлыгы тарафыннан “Коррупциягә каршы көрәш һәм дәүләт белән җәмгыятьнең үзара бәйләнеш нәтиҗәлелеген тәэмин итү буенча системалы чаралар турында” мәсьәләләр буенча “хөкүмәт сәгате” кысаларында фикер алышу өчен тәкъдимнәр әзерләнде һәм Россия Федерациясе Федераль Җыенының Федерация Советы әгъзасы А.М.Пахомов адресына җибәрелде.

Аерым алганда, Татарстан Республикасы Юстиция министрлыгы дәүләт граждан хезмәтенең аерым вазыйфаларын биләп торучы дәүләт граждан хезмәткәрләрен һөнәри үстерүне үткәрү белән бәйле мәсьәләләр турында фикер алышырга тәкъдим итте.

“Берләшкән Милләтләр Оешмасының коррупциягә каршы 2003 елның 31 октябрендәге конвенциясе һәм коррупция өчен җинаять җаваплылыгы турындагы 1999 елның 27 гыйнварындагы конвенциясе ратификацияләнү һәм “коррупциягә каршы көрәш турында” Федераль закон кабул ителү сәбәпле Роcсия Федерациясенең аерым закон актларына үзгәрешләр кертү хакында” 2008 елның 25 декабрендәге 280-ФЗ номерлы Федераль закон нигезендә “Россия Федерациясенең дәүләт граждан хезмәте турында” 2004 елның 27 июлендәге 79-ФЗ номерлы Федераль законга дәүләт граждан хезмәткәрләрен һөнәри үстерүне һәм дәүләт граждан хезмәткәрләрен һөнәри үстерү тәртибен күздә тоткан дәүләт граждан хезмәте вазыйфалары исемлеге Россия Федерациясе Президенты тарафыннан раслануны күздә тотучы үзгәрешләр кертелде.

Тиешле документларның Россия Федерациясе Президенты тарафыннан тиз арада раслануы коррупциягә каршы көрәшнең беренче бурычларыннан берсе булырга тиеш. Аерым алганда, Татарстан Республикасында кадрларны һөнәри үстерү өлкәсендә эшчәнлек үткәрүгә әзерлек бара, әмма федеарль дәрәҗәдәге норматив хокукый актларның юклыгы аркасында әлеге эшчәнлекне башлау өчен мөмкинлекләр юк. Шуңа күрә әлеге документлар кабул ителгән. Шулай ук, әлеге өлкәдә халыкның хәбәрдарлыгы һәм хәзерге технологияләрне куллану белән коррупциягә каршы көрәш мәсьәләләрендә халыкның дәүләт хакимияте органнары белән үзара бәйләнешен гамәлгә ашыру мөмкинлеге коррупциягә каршы көрәштә мөһим роль уйный.

Мәсьәләнең мөһим булуы аркасында, дәүләт белән җәмгыятьнең үзара бәйләнеш нәтиҗәлелеген тәэмин итү максатларында, Россиядә коррупциягә каршы көрәш турында бердәм гомум россия порталын барлыкка китерү мәсьәләсен карарга мөмкин дип уйлыйбыз. Югарыда күрсәтелгән порталда түбәндәге мәсьәләләрне хәл итүче булекләрне урнаштырырга кирәк: коррупциягә каршы көрәш өлкәсендә гражданнарны хокукый агарту, мөрәҗәгатьләрен кабул итү һәм әлеге мөрәҗәгатьләргә җавапларны урнаштыру ярдәмендә гражданнар белән дәүләт органнарының үзара бәйләнешен тәэмин итү, дәүләт органнарының коррупциягә каршы көрәшкә юнәлдерелгән эшчәнлекләрен агарту.

Порталның нәтиҗәле эшчәнлеге өчен Россия Федерациясе субъектларында (гомуми россия сайты җирлегендә) субпорталлар барлыкка китерү мөмкин.

Мәсәлән, Татарстан Республикасында субпортал эшчәнлеге Татарстан Республикасының коррупциягә каршы сәясәтен гамәлгә ашыру буенча махсус дәүләт органы - Татарстан Республикасы Президенты Аппаратында барлыкка китерелгән Татарстан Республикасының Коррупциягә каршы сәясәтен гамәлгә ашыру бүлеге тарафыннан алып барылырга мөмкин булыр иде.  

 

Татарстан Республикасы Юстиция министрлыгының Матбугат үзәге