Ата-аналарын югалткан балаларга социаль ярдәм күрсәтү чаралары көчәйтелә

Дәүләт Думасы тарафыннан ахыргы өченче укылышта В.Жириновский, И. Лебедев һәм С.Иванов депутатлары тарафыннан кертелгән ата-аналарын югалткан балаларга туендыручыны югалту сәбәпле хезмәт пенсиясен билгеләү һәм пенсияне кайтару мәсьәләләре буенча “Россия Федерациясендәхезмәт пенсияләре турында” Федераль законга үзгәрешләр кертү хакында” федераль закон проекты кабул ителде.

Законт проекты ата-аналарын югалткан балаларга социаль ярдәм күрсәтү чараларын пенсия законнары өлкәсендә көчәйтүгә юнәлдерелгән.

01.01.2002 елга кадәр гамәлдә булган “Россия Федерациясендә дәүләт пенсияләре турында” 20.11.1990 елдагы 340-1 номерлы РФ Законы нигезендә ата-аналарын югалткан балаларның һәркайсы туендыручыны югалту сәбәпле пенсиягә хокуклы дип билгеләнде. Пенсия күләме ата-аналарның гомуми хезмәт хакыннан чыгып исәпләнде.

Гамәлдәге “Россия Федерациясендә хезмәт пенсияләре турында” 2001 елның 17 декабрендәге 173-ФЗ номерлы Федераль закон нигезендә ата-аналарын югалткан балаларга туендыручыны югалту сәбәпле пенсия билгеләгәндә үлгән ата-аналарның һәрберсе өчен туендыручыны югалту сәбәпле хезмәт пенсиясенең ике иминият өлешен билгеләү мөмкинлеге каралмаган. Аңа карамастан тәҗрибәдә ата-аналарын югалткан очракта балаларга пенсия күләме бүгенге көнгә кадәр “Россия Федерациясендә дәүләт пенсияләре турында” 20.11.1990 елдагы көчен югалткан РФ Законы нормаларыннан чыгып исәпләнә.

Закон проекты тарафыннан“Россия Федерациясендә дәүләт пенсияләре турында” Федераль законның 5 статьясындагы 3 пунктының 2 подпунктына һәм 16 статьясына ата-аналарын югалткан балаларга һәр ата-анасының исәп-хисап пенсия капиталы суммасыннан чыгып туендыручыны югалту сәбәпле хезмәт пенсиясенең ике иминият өлешен билгеләүне күздә тотучы үзгәреш кертү тәкъдим ителә.

Аннан тыш, закон проекты тарафыннан пенсионерга хезмәт пенсиясе (хезмәт пенсиясе өлеше) түләвен кайтарган очракта аның күләме аны түләүне туктаткан көнгә билгеләнгән хезмәт пенсиясе (хезмәт пенсиясе өлеше) күләменә җитми, шуңа күрә аңа элеккеге югарырак күләмдәге хезмәт пенсиясе (хезмәт пенсиясе өлеше) кайтарыла дип билгеләнде.