Татарстан Республикасы Юстиция министрлыгында юридик факультет студентлары практикасы

Сутдентлар практикасы югары һөнәри төп белем бирү программасының состав өлеше һәм укыту процессын оештыруның бер төре булып тора.

Татарстан Республикасы Юстиция министрлыгында ел саен Казан дәүләт университеты һәм Икътисад, идарә һәм хокук институтының (Казан шәһәре) юридик факультеты студентлары танышу практикасын үтәләр. Шуның белән бәйле рәвештә ике югары уку йорты ТР Юстиция министрлыгы белән студентларның һөнәри практик әзерлекләре турында килешүгә кул куйдылар.

2009 елның 6 июленнән алып 10 июльгә кадәр танышу практикасын 53 студент ТР Юстиция министрлыгында һәм 74 студент ТР җәмәгать судьялары аппаратында үтәләр.

Практика үтү вакытында студентлар дәүләт сәясәтен юстиция өлкәсендә гамәлгә ашыручы ТР Юстиция министрлыгы эшчәнлеге һәм җәмәгать судьялары аппараты эше белән танышачаклар.

Студентлар белән укулар күләме һәм төрләре Татарстан Республикасы юстиция министры тарафыннан расланган гарафик нигезендә билгеләнде.

Практика барышында студентлар Министрлыкның закон проектлары белән эшләү бүлеге җитәкчесе Ә.Р Кәримованың ТР Юстиция министрлыгының закон чыгару эшчәнлеге турындагы күзәтү лекциясен тыңладылар, Юстиция министрлыгының регламент эшчәнлеге белән таныштылар. ТР норматив хокукый актларының бердәм банкы бүлеге җитәкчесе урынбасары Э.И.Слепнев ТР норматив хокукый актларының бердәм банкын барлыкка китерү бүлеге эшенең нечкәлекләре белән таныштырды.

Министрлык белгечләре студентларга 2009 елда ТР Юстиция министрлыгының Коррупциягә каршы сәясәте стратегиясен гамәлгә ашыру буенча Министрлык эшчәнлеге турында, электрон документ әйләнеше эше турында, җәмәгать судьяларын оештыру, матди-техник һәм финанс яктан тәэмин итүне гамәлгә ашыру буенча Министрлыкның дәүләт идарәсе функциясен башакару турында сөйләделәр.

Алга таба практикантлар җәмәгать судьялары аппаратында һәм Министрлыкта заманча мәгълүмат технологияләрен кертү һәм куллану буенча хокукый мәгълүматлаштыру һәм компьютер системалары бүлеге белгечләре эше белән танышачаклар. 13 июльдә практик дәресләрне үтү өчен студентларның тагын ике төркеме керешәчәк.

Татарстан Республикасы Юстиция министрлыгының Матбугат үзәге