Норматив хокукый актларның бердәм банкы бүлегенең 2009 елның июлендәге эшчәнлеге

2009 елның июлендә Татарстан Республикасы норматив хокукый актларының бердәм банкы бүлегенә бердәм банкка кертелү өчен җирле үзидарә органнарыннан 226 муниципаль хокукый акт керде; җирле үзидарәнең вәкиллекле органнары карарлары, муниципаль берәмлекләр башлыклары һәм муниципаль берәмлекләрнең башкарма комитетлары җитәкчеләре карарлары һәм боерыклары.

Күрсәтелгәннәр, шулай ук  моңарчы кергән муниципаль норматив хокукый актлар исәбеннән 53 акт каралды, аларның 43 е бердәм банкка кертелде.

Һәр каралган актка карата хокукый экспертиза үткәрелде, актларны чыгарган органнарга юнәлдерелгән нәтиҗәләр чыгарылды. Тиешле очракларда нәтиҗәләр муниципаль норматив хокукый актларның нигезләмәләрен законнар нигезендә китерү тәкъдимнәрен үз эченә ала.

Муниципаль актларны бердәм банкка кертү ихтыяҗы мәсьәләсен хәл итү максаты белән каралганнарның чагыштырмача күп санда булмаулары хәзерге вакытта төп игътибарны муниципаль норматив хокукый актлар регистрын оештыру һәм алып бару эшчәнлегенә бирү белән аңлатыла.

2009 елның июлендә җирле үзидарә органнары үзләре чыгарган хокукый актларны Татарстан Республикасының муниципаль норматив хокукый актлары регистрына кертү өчен тапшыруын дәвам итте. Үткән айда регистрга 611 акт кертелде. Хәзерге вакытта регистрга 2283 муниципаль норматив хокукый акт кертелгән.

Ведомство норматив хокукый актларны дәүләт теркәвенә алу эшчәнлеге дәвам итте.

Үткән айда дәүләт теркәвенә алу өчен 16 ведомство акты керде. Аларның һәм моңарчы тапшырылганнарның 9 акты теркәлде, 4 акт эшләп бетерү өчен кире кайтарылды, Татарстан Республикасының Тарифлар буенча комитетының 2 карары моңарчы чыгарылган карарларга охшаш булган актлар буларак каралмыйча кире кайтарылдылар, 1 акт дәүләт теркәвенә алуга мохтаҗ түгел дип табылды.