Татарстанда 2010-2013 елларга Татарстан Республикасында дәүләт граждан хезмәтен һәм муниципаль хезмәтне үстерүнең республика максатчан программасы проектын әзерлиләр

Бүген ТР дәүләт граждан хезмәтен һәм муниципаль хезмәтен үстерү мәсьәләләре буенча комиссия әгъзалары Рөстәм Миңнеханов җитәкчелегендә 2010-2013 елларга Татарстан Республикасының дәүләт граждан хезмәтен һәм Татарстан Республикасында муниципаль хезмәтне үстерүнең республика максатчан программасы проекты турында фикер алыштылар.

Программага заказ бирүче булып ТР Министрлар Кабинеты, координатор булып - ТР Президенты каршындагы Дәүләт хезмәткәрләре эшләре департаменты тора.

Документ белән ТР юстиция министры Мидхәт Корманов таныштырды ( ТР Юстиция министрлыгы максатчан программаны эшләүче булып санала).

Аерым алганда, ул төп максатны идарә системасын ТР дәүләт хезмәте һәм республикада муниципаль хезмәт белән камилләштерү дип хәбәр итте.

Программаны гамәлгә ашыру Татарстанда дәүләт һәм муниципаль хезмәтнең югары квалификацияле  кадрлар составын оештырырга ярдәм итәчәк, дәүләт идарәсе нәтиҗәлелеген, граждан идарәсен һәм инновация икътисадын устерүне тәэмин итәчәк.

Программаны (кабул иткәннән соң) ике этапта гамәлгә ашырырга уйлыйлар : 2010-2011 еллар (беренче этап) һәм 2012-2013 еллар (икенче этап).

Мидхәт Корманов бүген дәүләт һәм муниципаль хезмәткәрләр өлкәсендә булган һәм яңа программа ярдәмендә хәл итү күз алдында тотыла торган берничә проблеманы атады. Бү беренче чиратта вакансияләр булганда югары квалификацияле кадрларның җитмәве, ресурслар белән тиешенчә тәэмин итмәү, дәүләт хезмәткәрләренең кадр резервы юклыгы һәм эшчәнлекләрен тиешле дәрәҗәдә регламентацияләмәү.  

ТР Президенты аппараты җитәкчесе Юрий Камалтынов ТР Юстиция министрлыгына 2010-2013 елларга ТР дәүләт граждан хезмәте һәм Татарстан Республикасында муниципаль хезмәтне үстерүнең максатчан программасы проектын эшләгән өчен рәмәтен белдерде. Шуннан тыш, ул программа федераль программаны кабатламаска тиеш, ә үз эшләнмәләре булырга тиеш дип аңлатты. Юрий Камалтынов фикеренчә, республикада программаны гамәлгә ашыру нәтиҗәлелеге бәясе өчен кайбер индикаторларны хәзер үк билгеләргә кирәк. ТР хезмәт, халыкны эш белән тәэмин итү һәм социаль яклау министры Айрат Шафигуллин бүгенге көндә республикада булачак дәүләт һәм муниципаль хезмәткәрләрне әзерләүче өч югары уку йорты барлыгын искә төшерде - ТР Президенты каршындагы Дәүләт хезмәте академиясе,Түбән Камада һәм Әлмәттәге югары уку йортлары.

Татарстанның Премьер-министры Рөстәм Миңнеханов проектны җентеклән хәл итү өчен берничә “түгәрәк өстәл” үткәрергә тәкъдим итте. Шулай ук ул проектны эшләү өчен ТР Президенты каршындагы Дәүләт хезмәте академиясе белгечләрен дә җәлеп итү кирәк дип саный.

Программа проектына үзгәрешләр һәм төгәллекләр кертелгәннән соң ТР дәүләт граждан хезмәте һәм муниципаль хезмәтен үстерү мәсьәләләре буенча комиссия әгъзалары Рөстәм Миңнеханов җитәкчелегендә тагын бер тапкыр документ турында фикер алышачаклар. Аннан соң программа проекты раслау өчен Татарстан Президентына юнәлдереләчәк. (якынча –  октябрьдә). 

ТР Министрлар Кабинетының Матбугат үзәге