“Татарстан Республикасы дәүләт граждан хезмәте турында” ТР Законына үзгәрешләр кертү хакында

Бүген Татарстан Республикасы Дәүләт Советының дәүләт төзелеше һәм җирле үзидарә комитеты утырышы узды. Утырышта ТР Юстиция министрлыгы тарафыннан эшләнгән “Татарстан Республикасы дәүләт граждан хезмәте турында” Татарстан Республикасы Законының 17 статьясына үзгәртү кертү хакында” Татарстан Республикасы законы проекты каралды.

Закон проекты “2003 елның 31 октябрендәге коррупциягә каршы БМО Конвенциясен 1999 елның 27 гыйнварындагы коррупция өчен җинаять җаваплылыгы турында Конвенцияне ратификацияләү, “Коррупциягә каршы көрәш турында” Федераль законны кабул итү белән бәйле Россия Федерациясенең кайбер закон актларына үзгәрешләр кертү хакында” 25.12.2008 елдагы 280-ФЗ номерлы Федераль закон нигезендә “Россия Федерациясе дәүләт граждан хезмәте турында” 27.07.2004 елдагы 79-ФЗ номерлы Федераль законга берничә үзгәртү кертү белән бәйле рәвештә эшләнде. Аерым алганда, керемнәр, мөлкәт, мөлкәт характерындагы бурычлар турында мәгълүматларны бирү тәртибе үзгәртелгән. 

 “Татарстан Республикасы дәүләт граждан хезмәте турында” Татарстан Республикасы Законының 17 статьясына үзгәртү кертү хакында” Татарстан Республикасы законы проекты “Татарстан Республикасы дәүләт граждан хезмәте турында” Татарстан Республикасы Законын федераль законның үзгәргән таләпләре белән тәңгәлләштерүгә юнәлдерелгән. 

Югарыда күрсәтелгән закон проектын комитет тарафыннан бирү вакытларын 2009 елның 1 ноябренә кадәр озайтуны ТР Дәүләт Советына тәкъдим итү карары кабул ителгән иде.

 

ТР Юстиция министрлыгының Матбугат үзәге