ДАИ машина йөртү хокукларыннан мәхрүм итүнең махсус аңлатмаларын чыгарды

Мәхрүм итү вакыты суд карары үз көченә кергән көннән башлана. Шул көнгә кадәр йөртүче машина йөртү хокукыннан мәхрүм ителгән дип саналмый.

Шулай да ул вакытлы рөхсәт кәгазен ЮХИДИнә бирергә тиеш. РФ ЭЭМ юл хәрәкәте иминлеген тәэмин итү департаменты төбәк бүлекчәләренә тараткан яңа аңлатмаларның мәгънәсе шунда.

Сүз күбесенчә Административ хокук бозулар турында кодексның 12.8 статьясындагы 3 өлеше хакында бара. Әлеге статьяда машина йөртү хокуклары булмаган яки аннан мәхрүм ителгән йөртүченең исерек килеш машина йөрткән өчен җаваплылыгы каралган. Моның өчен җаваплылык кечкенә түгел: 15 көнгә кадәр арест. Йөртүчене руль артында исерек килеш вакытлы рөхсәт кагәзе белән тоткан очраклар булды. Ләкин мәхрүм итү вакыты әле үз көченә кермәгән.

Дәүләт авто инспекциясенең яңа аңлатмаларында охшаш эшләрне караганда моннан алдагы хокук бозу буенча карар үз көченә кергәнме юкмы икәнен карарга кирәклеге турында ачык аңлатылган. Каршы юнәлештәге юл хәрәкәтенә чыгу, тизлекне арттыру, исерек килеш руль артына утыруга карамастан. Ул үз көченә кермәгән очракта яңа хокук бозуны 12.8 статьяның 1 өлеше (бер ел ярымнан алып ике елга кадәр машина йөртү хокукыннан мәхрүм итү) буенча квалификацияләргә кирәк.

Мәхрүм итү вакытын моннан алдагы мәхрүм итү вакыты гамәлдән чыккан көннән исәпләргә кирәк. Беренче инстанция суд карары шикаять бирү өчен бирелә торган 10 көн узгач кына үз көченә керә. Шикаять бирү буенча суд карары аны чыгарган көннән үз көченә керә. Суд йөртүчене исерек килеш руль артында утырган өчен машина йөртү хокукыннан мәхрүм итте кебек, ләкин ул кайгыдан тагын эчте һәм руль артына утырды. Машина йөртү хокукыннан ул бары тик 10 көннән соң гына мәхрүм ителә, ә хәзер ул яңадан исерек килеш тотылган булса да машина йөртү хокукыннан мәхрүм ителгән дип саналмый. Моның өчен мәхрүм итү вакытын өстәргә мөмкиннәр, ләкин кулга ала алмыйлар.

Йөртүче исерек килеш машина йөртү хокукы булмаган (ләкин башка категорияләре ачык булган) машинаны йөрткән очракта машина йөртү хокукыннан мәхрүм итүдән тыш Административ хокук бозулар турында кодексның 12.7 статьясындагы 1 өлеше буенча 2500 сум штраф түләтә алалар, ләкин кулга ала алмыйлар.

Вакытлы рөхсәтнең гамәлдә булу вакытлары турында аерым әйтергә кирәк. Ике төр вакытлы рөхсәт бар. Беренчесе югалткан урынына тикшерү вакытына, икенчесе тотылып калынган урынына эш буенча производство вакытына бирелә. Беренче очракта ЮХИДИ хезмәткәрләре йөртүчене мәхрүм итү каралган хокук бозу өчен тоткан очракта вакытлы рөхсәтне алырга тиеш, икенче очракта алырга тиеш түгелләр.  

Кешеләргә әлеге рөхсәтне суд карары үз көченә кергәннән соң ук бирсәләр яхшырак була. Мәхрүм итү вакыты вакытлы документны биргән көннән исәпләнәчәк. Ул рөхсәтне бирмәгән һәм суд карары үз көченә кергәннән соң инспектор кулына эләккән очракта йөртүчене машина йөртү хокукыннан мәхрүм ителгәннән соң машина йөрткән өчен җаваплылыкка тартачаклар. Ә бу 15 көнгә кадәр арест.

Инспектор йөртүченең хокукларын алмаган һәм ЮХИДИ суд карарының үз көченә кергән көненнән соң да бер ел эчендә аларны алырга уйламаган очракта хокуклардан мәхрүм итү турында карар үтәлмәскә тиеш.

Соңгы вакытларда кайбер хокук бозучылар арасында фамилия алыштыру модасы китте. Бу аларга яңадан машина йөртү хокукын алу өчен уку мөмкинлеген бирә иде. Аңлатмада әйтелгәнчә, фамилия алыштыру аларны җаваплылыктан азат итми. Ә иске машина йөртү хокуклары мәҗбүри кире бирелергә тиеш.

  

"Российская газета" – 2009 елның 15 сентябрендәге 4996 номерлы Федераль чыгарылыш