Суд приставлары кораллана

РФ Премьер-министры В.Путин кул куйган "Федераль суд приставлары хезмәтен хәрби кул уклы һәм башка корал, аңа патроннар, махсус чаралар, җиһазлар һәм кирәк-яраклар белән тәэмин итү турында" 2009 елның 2 октябрендәге 776 номерлы РФ Хөкүмәте карары нигезендә суд приставлары хәрби уклы корал белән тәэмин ителәчәк.

Документ нигезендә расланды:

- Федераль суд приставлары хезмәтенә бирелгән хәрби кул уклы һәм башка корал, аңа патроннар, махсус чаралар, җиһазлар һәм кирәк яраклар исемлеге;

- Федераль суд приставлары хезмәтен хәрби кул уклы һәм башка корал, махсус чаралар, җиһазлар һәм кирәк яраклар белән тәэмин итү нормалары;

- ФСПХ патроннар белән тәэмин итү нормалары.

МП һәм Ярыгинның пистолетларыннан, Калашниковның пистолетлары-пулеметлары һәм автоматларыннан тыш, приставларны шулай ук саклагыч шлемнар, жилетлар, шартлый торган матдәләрне табучы чаралар һәм төнге бинокльләр белән дә тәэмин итәчәкләр. Моннан тыш приставлар яшьләндерә торган яки ярсыткыч матдәләрне үз эченә алган аэрозоль җиһазларны, электрошок җиһазлар һәм резин таякларны куллана алалар.