Татарстан Республикасы җәмәгать судьялары аппараты хезмәткәрләренә класслы чиннар бирү буенча квалификация имтиханы

“Татарстан Республикасы дәүләт граждан хезмәткәрләренә Татарстан Республикасы дәүләт граждан хезмәтенең класслы чиннарын бирү тәртибе турында” ТР Президенты Указы һәм әлеге Указ белән расланган Нигезләмә нигезендә Татарстан Республикасы дәүләт граждан хезмәтен узучы Татарстан Республикасы дәүләт граждан хезмәткәрләренә класслы чиннар бирелә. Класслы чиннарны бирүнең гомуми нигезләмәләре:

- беренче тапкыр бирелгәннән соң билгеле бер класслы чинда булуның билгеләнгән вакыты узу белән класслы чинны эзлекле рәвештә бирү;

- класслы чинны дәүләт граждан хезмәте вазыйфасын биләп тору белән бәйле рәвештә бирү.

Ике көн эчендә республиканың 25 районыннан һәм шәһәреннән (Казанны да кертеп) җәмәгать судьялары аппаратының 129 хезмәткәре квалификация имтиханын бирделәр.

Квалификация комиссиясе әгъзалары фикеренчә  барлык имтихан бирүчеләр дәүләт хезмәткәре өчен җитәрлек булган һөнәри белем дәрәҗәсен күрсәттеләр һәм тиешле вазыйфага (беренчел яки чираттагы) класслы чин бирүгә тәкъдим ителделәр. 

ТР җәмәгать судьялары аппараты хезмәткәрләренә класслы чин бирүнең тәңгәл квалификация имтиханы 21 октябрьдә ТР Юстиция министрлыгының квалификация комиссиясенең күчмә утырышы булырга тиешле Яр Чаллы шәһәрендә узачак. Имтихан бирүчеләр исемлегенә республиканың якын тирәдәге районнары һәм шәһәрләрендәге (Яр Чаллы, Түбән Кама, Алабуга, Әлмәт, Бөгелмә һәм башкалар) җәмәгать судьялары аппараты хезмәткәрләре кертелде. 

 

ТР Юстиция министрлыгының Матбугат үзәге