Урында булмаган штраф

2009 елның 13 ноябре, җомга
Яңа закон Административ хокук бозулар турында РФ кодексындагы "артык" документны - карар-квитанцияне төшереп калдырды. ДАИ хезмәткәрләре аны бик әһәмиятле булмаган хокук бозулар вакытында рәсмиләштерәләр иде.
Нәтиҗәдә ДАИ хезмәткәре эшкә өч төрле документ (протокол, карар һәм карар-квитанция) белән чыга иде. Әлеге “артык” документ хокук кулланучылар штрафны урында ала торган вакыттан калган. Ләкин 2007 елда Административ хокук бозулар кодексына төзәтмәләр керткән 210-нчы федераль закон кабул ителде. Алар нигезендә хокук бозучылар салынган штрафны урында түгел, ә бары тик кредит оешмалары аркылы гына түләргә тиеш булалар. Әлеге тәртип барлык хокук бозучыларга, шул исәптән автобуслардагы, троллейбуслардагы һәм электричкалардагы контролерларга да кагыла. ДАИ хезмәткәренә килгәндә исә алар штрафны урында 2007 елга кадәр дә алырга тиеш түгел иделәр.  
Ләкин закон чыгаручылар әлеге төзәтмәләрне керткән вакытта Административ хокук бозулар кодексының күп кенә бүтән пунктларыннан урында штраф турында нигезләмәләрне төшереп калдырмадылар. Нәтиҗәдә икенче төрле укылышлы нөсхәләр барлыкка килде. Яңа закон әлеге туры килмәүләрне бетерә.
Legis.ru
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International