Татарстан Республикасы Юстиция министрлыгында узган Эксперт советы утырышы

Татарстан Республикасы Юстиция министрлыгында Хокук мәсьәләләре буенча ведомствоара координация комитетының Эксперт советы утырышы узды. Анда берничә закон проекты, шул исәптән 2 федераль закон проекты турында фикер алыштылар.

«Гражданнарның бакчачылык, яшелчә бакчачылыгы һәм дача коммерцияле булмаган берләшмәләре турында» Федераль законга үзгәрешләр кертү хакында» федераль закон проектын  Татарстан Республикасы юстиция министрының беренче урынбасары С.Н.Столяров тәкъдим итте. Әлеге закон проектына карата ТР Дәүләт Советы Аппаратының Хокук идарәсеннән техник-юридик характердагы кисәтүләр килде.

Югарыда әйтелгән закон проекты техник-юридик характердагы кисәтүләрне эшләп бетерүне исәпкә алып хупланды.

Эксперт советы утырышында «2013 елда Казан шәһәрендә узачак XXVII Бөтендөнья җәйге универсиаданы оештыру һәм үткәрү һәм  Россия Федерациясенең аерым закон актларына үзгәрешләр кертү турында» федераль закон проекты яңадан карап тикшерелде.

Әлеге закон проектлары буенча аппарат җитәкчесе урынбасары - Казан шәһәре муниципаль берәмлеге Башкарма комитетының Хокук идарәсе җитәкчесе – В.И.Яковлев һәм Казан Шәһәре Думасы Аппаратының норматив-хокук идарәсе җитәкчесе – Т.И.Ищенко чыгыш ясадылар. Әлеге закон проектлары буенча кисәтүләр бар.

Эксперт советы әгъзалары «2013 елда Казан шәһәрендә узачак XXVII Бөтендөнья җәйге универсиаданы оештыру һәм үткәрү һәм  Россия Федерациясенең аерым закон актларына үзгәрешләр кертү турында» федераль закон проектын Казан шәһәре муниципаль берәмлеге Башкарма комитеты кисәтүләрен исәпкә алып эшләп бетерүгә җибәрү хәл ителде. 

Совет утырышында түбәндәге Татарстан Республикасы законы проектлары хупланды:

«Физик культура һәм спорт турында» Татарстан Республикасы законының 6 статьясына үзгәреш кертү хакында»;

 «Татарстан Республикасында һәлакәттән коткару хезмәтләре һәм һәлакәттән коткару формированиеләре турында» 2005 елның 29 декабрендәге 134-ТРЗ номерлы Татарстан Республикасы Законының 2 статьясына үзгәрешләр кертү өлешендә «Татарстан Республикасының аерым закон актларына үзгәрешләр кертү хакында» һәм аны Хокук мәсьәләләре буенча ведомствоара координация комитеты каравына кертергә;

Казан шәһәре муниципаль берәмлеге Башкарма комитетының техник-юридик характердагы кисәтүләрен эшләп бетерүне исәпкә алып «Татарстан Республикасы муниципаль районнары һәм шәһәр округлары җирле үзидарә органнарына күпфатирлы йортларны һәм (яисә) күчемсез мөлкәтнең бүтән объектларын өлешле төзү өлкәсендә дәүләт тикшереп торуын һәм күзәтчелеген гамәлгә ашыру буенча Татарстан Республикасы дәүләт вәкаләтләрен бирү турында» Татарстан Республикасы Законының 1 статьясына үзгәреш кертү хакында»;

«Татарстан Республикасында музейлар һәм музей эше турында»;

«Аерым муниципаль берәмлекләрнең территорияләре чикләрен үзгәртү һәм «Чүпрәле муниципаль районы» муниципаль берәмлегенең һәм аның составындагы муниципаль берәмлекләрнең территорияләре чикләрен билгеләү һәм аларның статуслары турында» Татарстан Республикасы Законына үзгәрешләр кертү хакында» һәм аны Хокук мәсьәләләре буенча ведомствоара координация комитеты каравына кертергә.

Шулай ук «Татарстан Республикасы Гаилә кодексына үзгәреш кертү турында» Татарстан Республикасы законы проекты карап тикшерелде. Фикер алышудан соң Эксперт советы әгъзалары тәкъдим ителгән закон проектын Татарстан Республикасы Министрлар Кабинеты Аппаратының Хокук идарәсе кисәтүләрен исәпкә алып эшләп бетерү карарын кабул иттеләр. 

 

Татарстан Республикасы Юстиция министрлыгының Матбугат үзәге