Татарстан Республикасы министрлыкларының һәм ведомстволарының норматив хокукый актларын дәүләт теркәвенә алу турында мәсьәлә ТР Юстиция министрлыгы коллегиясендә каралды

Бүген Татарстан Республикасы Юстиция министрлыгында ТР юстиция министры М.М.Корманов рәислегендә коллегия утырышы булды. Анда Татарстан Республикасы министрлыкларының һәм ведомстволарының норматив хокукый актларын дәүләт теркәвенә алу практикасы мәсьәләсе турында фикер алыштылар.

Фикер алышуда Татарстан Республикасы Дәүләт Советының законлылык, регламент һәм депутат этикасы комитеты рәисе Җ.Г.Яһүдин, ТР Прокуратурасы прокуроры Л.М.Мәҗитова, РФ субъектлары законнары һәм РФ Юстиция министрлыгының Идел буе федераль округы буенча Баш идарәсенең Татарстан Республикасында федераль регистр алып бару бүлеге җитәкчесе Ф.Г.Фәтхуллина, ТР Президентының, ТР Министрлар Кабинеты Аппаратының Дәүләт-хокукый идарәсе җаваплы хезмәткәрләре, Татарстан Республикасы министрлыкларының һәм ведомстволарының юридик хезмәтләре җитәкчеләре, журналистлар катнашты.

Төп докалад белән ТР юстиция министрының беренче урынбасары С.Н.Столяров чыгыш ясады. Үз чыгышында ул кеше һәм граждан хокуклары, иреге һәм бурычларына кагылышлы, оешманың хокукый статусын билгели торган һәм ведомствоара характердагы норматив хокукый актлар, шулай ук дәүләт теркәвенә алынмаган норматив хокукый актлардан соңгылары мәҗбүри дәүләт теркәвенә алынырга тиешлекне искә төшереп үтте. Үзләре бастырып чыгарган хокукый норматив актларны ТР Юстиция министрлыгына дәүләт теркәвенә алуга бирергә тиешле ТР дәүләт хакимиятенең башкарма органнары исәбенә республиканың 19 министрлыгы һәм 10 ведомствосы керә.

Ведомстволар дәрәҗәсендә мөнәсәбәтләрне норматив җайга салуларның активлашуы һәм Татарстан Республикасы министрлыкларының һәм ведомстволарының норма иҗат итү эшчәнлеге роленең үсеше шахиты булып түбәндәге саннар тора:

2005 елда министрлыклар һәм ведомстволар дәүләт теркәвенә алуга 65 норматив акт юнәлдергән, 2006 елда бу сан – 107, агымдагы елның беренче кварталында 40 норматив документ кергән. Алар арасында лидер булып 43 документ юнәлдергән ТР Экологоия һәм табигать ресурслары министрлыгы тора.

2006 елда һәм агымдагы елда бирелгән документларның гомуми саныннан барлыгы 65 норматив хокукый акт теркәлгән;

-бирелгән актларның гамәлдәге законнарга туры килмәве сәбәпле дәүләт теркәвенә алудан баш тартылгын – 9;

ведомство эчендәге характерда – 16;

эшләп бетерелергә кайтарылган – 57.

ТР Юстиция министрлыгы фаразларына караганда, 2007 елда ведомство норма иҗат итүнең күләме шактый арту көтелә, бу елның 1 кварталындагы саннар, шулай ук яңадан төзелә торган оешмаларда норматив хокукый база формалаштыруны күздә тоткан “Автоном учрежденияләр турында” Федераль законны Татарстан Республикасында гамәлгә ашыру хакында” 2007 елның 29 мартында кабул ителгән ПУ-155 номерлы Татарстан Республикасы Президенты Указы шуны күрсәтә.

Коллегия утырышында ТР норматив хокукый актларының бердәм банкы бүлеге җитәкчесе Э.М.Аверьянова чыгыш ясады.

Ул документларны дәүләт теркәвенә алудан баш тарту, шулай ук ТР Юстиция министрлыгында теркәлергә тиешле, әмма теркәлергә кертелмәгән норматив хокукый актлар турында проблеманы күтәрде, автоном учреждениеләр формалаштырганда теркәүгә һәм дәүләт хакимиятенең башкарма органнары күрсәтә торган дәүләт хезмәтләренең административ регламентларын теркәүгә кагылышлы хаталарга игътибар юнәлтте. 

Коллегия утырышында шулай ук ТР Дәүләт Советының законлылык, регламент һәм депутат этикасы комитеты рәисе Җ.Г.Яһүдин, ТР Прокуратурасы прокуроры Л.М.Мәҗитова, РФ субъектлары законнары бүлеге җитәкчесе Ф.Г.Фәтхуллина, ТР Җир һәм мөлкәти мөнәсәбәтләр министрлыгының хокукый идарәсе җитәкчесе Ф.Э.Санатуллина чыгыш ясадылар.

Коллегия утырышын ТР юстиция министры М.М.Корманов алып барды.