Комарлы уеннарны оештыруны һәм үткәрүне дәүләт җайга салуы турында

2009 елның 3 декабрендә узган дүртенче чакырылыш ТР Дәүләт Советының җиденче утырышында ТР юстиция министры М.М.Корманов «Комарлы уеннарны оештыру һәм үткәрүне дәүләт җайга салуы өлешендә Татарстан Республикасының аерым закон актларының (закон актлары нигезләмәләренең) үз көчен югалтуын тану турында» Татарстан Республикасы законы проектын тәкъдим итте.

Закон проекты «Комарлы уеннарны оештыруны һәм үткәрүне дәүләт җайга салуы турында һәм Россия Федерациясенең кайбер закон актларына үзгәрешләр кертү хакында» 29.12.2006 елдагы 244-ФЗ номерлы Федераль закон нормалары тулысынча үз көченә керү белән бәйле эшләнде. 

Шулай итеп, 5 Федераль законның 5 статьясына нигезләнеп, уен биналары (букмекер контораларыннан һәм тотализаторлардан тыш) уен зоналарында бары тик Федераль законда билгеләнгән тәртиптә генә ачыла алалар. Федераль законның 9 статьясы нигезендә территорияләрендә комарлы уен биналары барлыкка китерелә ала торган Россия Федерациясе субъектлары билгеләнде: Алтай; Приморья; Калининград; Краснодар һәм Ростов өлкәләре. Федераль законның 16 статьясындагы 9 өлеше нигезендә уен зоналарында эшчәнлекләрен гамәлгә ашыру Федераль закон белән тыелган уен биналары эшчәнлекләре 2009 елның 1 июленә кадәр туктатылырга тиеш.

«Уен биналарын Татарстан Республикасы территориясендә урнаштыру турында» 2006 елның 5 апрелендәге 25-ТРЗ номерлы ТР Законы белән уен биналарын Татарстан Республикасы территориясендә урнаштыру урыннары билгеләнде, Административ хокук бозулар турындагы ТР кодексының 3.9 статьясы нигезендә әлеге ТР Законы таләпләрен бозган өчен административ җаваплылык билгеләнде, «Татарстан Республикасында уен бизнесына салым ставкалары турында» 2003 елның 23 сентябрендәге 40-ТРЗ номерлы ТР Законы белән Татарстан Республикасы территориясендә куллану тыелган объектлар буенча уен бизнесына салым ставкалары билгеләнде.

Шуның белән бәйле рәвештә саналган закон актлары Федераль закон белән тәңгәлләштерүдә мохтаҗ. Күрсәтелгән максатларда һәм «Комарлы уеннарны оештыруны һәм үткәрүне хокукый җайга салганда федераль закон бозуларын юк итү турындагы 28.07.2009 елдагы 7-2269-09 номерлы ТР Прокуроры тәкъдиме хакында» 24.09.2009 елдагы 403-IV ДС номерлы ТР ДС карары нигезендә «Комарлы уеннарны оештыру һәм үткәрүне дәүләт җайга салуы өлешендә Татарстан Республикасының аерым закон актларының (закон актлары нигезләмәләренең) үз көчен югалтуын тану турында» Татарстан Республикасы законы проекты әзерләнде.

Закон проекты беренче укылышта кабул ителде.

 

Татарстан Республикасы Юстиция министрлыгының Матбугат үзәге