Татарстан Республикасы Юстиция министрлыгында халыкара коррупциягә каршы көрәш көне турында

Татарстан Республикасы Юстиция министрлыгында Министрлык Аппараты хезмәткәрләре өчен «Министрлык коллективында ришвәтчелек фактларына түземсезлек обстановкасы формалашу, хезмәт мәнфәгатьләренә зыян китерә торган усал ниятләр барлыкка килү» темасына лекция узды. Әлеге чарада  ТР буенча ЭЭМ Икътисадый җинаятьләр белән көрәш идарәсе бүлеге җитәкчесе Р.К.Акчурин, ТР коррупциягә каршы сәясәтне гамәлгә ашыру бүлегенең баш киңәшчесе Е.Н.Гатцук, коррупциягә каршы көрәш турында законнар башкарылуын күзәтүдә тоту бүлеге прокуроры Л.М.Андреева катнаштылар.

Чараны Татарстан Республикасы юстиция министры М.М.Корманов ачып җибәрде. Аннары сүзне министрның беренче урынбасары, Татарстан Республикасы Юстиция министрлыгының коррупциягә каршы сәясәтне гамәлгә ашыру буенча комиссиясе рәисе С.Н.Столяровка бирде.

Ул үз чыгышында 2004 елдан алып ел саен 9 декабрьдә халыкара коррупциягә каршы көрәш көне уздырыла дип хәбәр итте.

Әлеге көнне раслаучы максат булып коррупция проблемасын аңлауны һәм коррупцияне кисәтүдә һәм аның белән көрәшүдә Конвенция ролен тирәнәйтү тора.

2003 ел  Конвенциясе — шундый төрдәге беренче документ. Ул барлык структураларның коррупциячеллеге милли торышка зыян китерә торган илләрдә мөһим.  Россия Конвенциягә беренче булып кул куйган илләр санында.

Татарстан Республикасы Юстиция министрлыгының коррупциягә каршы сәясәтне гамәлгә ашыру буенча комиссиясе рәисе Сергей Николаевич шулай ук комиссия эшчәнлеге турында һәм Министрлык сайтында «ТР Коррупциягә каршы сәясәте стратегиясен гамәлгә ашыру» рубрикасында урнаштырыла торган материаллар турында хәбәр итте.

Коррупция белән көрәш методлары һәм ачыкланган фактлар, аерым алганда, ришвәтчелек турында лекция белән Р.К.Акчурин, Л.М.Андреева чыгыш ясадылар. Ахырда Е.Н.Гатцук тормыштан коррупциягә карата түземсезлек мисалларын китерде, шулай ук әлеге көн илдә чагыштырмача сизелмичә үтеп бара дип билгеләде һәм барысын да, шул исәптән ММЧны коррупциягә каршы көрәшергә чакырды.

 

ТР Юстиция министрлыгының Матбугат үзәге