Татарстан Республикасында юридик клиникалар эшчәнлеге турында

Икътисад, идарә һәм хокук институтында (Казан шәһәре) Татарстан Республикасы Прокуратурасы белән берлектә " Россия Федерациясендә һәм Татарстан Республикасында юридик клиникалар эшчәнлеге һәм  халыкка юридик ярдәм күрсәтү» II Төбәкара семинар-киңәшмә оештырылды.

Анда югары белем һәм халыкка юридик ярдәм күрсәтүне камилләштерү өлкәсендә юридик клиникалар эшчәнлеге турында фикер алыштылар.

Мәсьәләләрне хәл итүдә ТР Прокуратурасы, ТР Президенты Аппараты хокук идарәсе, ТР Дәүләт Советы, ТР Министрлар Кабинеты, ТР Югары суды каршындагы Суд департаменты, ТР Адвокатлар коллегиясе, Хезмәт һәм социаль тәэмин итү министрлыгы вәкилләре, шулай ук Мари һәм Ульяновск дәүләт университетларының юридик клиникалары җитәкчеләре катнашты. Татарстан Республикасы Юстиция министрлыгын һәм “Россия Юристлар Ассоциациясе” Татарстан төбәк бүлеген ТР юстиция министры ярдәмчесе Т.П.Лобанова тәкъдим итте.

Юридик Клиника – югары уку йортлары (ЮУЙ) студентлары алган белемнәрен тәҗрибәдә кулланырга өйрәнә торган урын.
«Клиника» төшенчәсе  ЮУЙ каршындагы үз функцияләрен гамәлгә ашыручы студентлар өчен түләүсез юридик консультацияләргә карата кулланыла. Әлеге төшенчәне нәкъ менә шул мәгънәдә куллану мөмкинлеге турында «Юридик кадрларны әзерләүне гамәлгә ашыра торган югары уку йортлары җирлегендә халык өчен хокук консультацияләре (хокук клиникалары) турында» 1999 елның 5 октябрендәге 433 номерлы РФ Мәгариф министрлыгы боерыгында әйтелгән.
Югарыда әйтелгән боерык нигезендә җирлегендә халык өчен “хокук клиникалары” ачу күздә тотылган юридик кадрлар әзерләүне гамәлгә ашыра торган ЮУЙ исемлеге расланды. Әлеге исемлеккә Казандагы ЮУЙ арасыннан бары тик Казан дәүләт университеты гына керде. Якын республикалар арасыннан әлеге исемлеккә Самара, Мордовия, Мари дәүләт университетлары керә. "Хокук клиникалары" эшчәнлеген координацияләү буенча төп оешмаларның функцияләре Санкт-Петербург дәүләт университетына йөкләнде.

Россиядә берничә ел инде чын клиника хәрәкәте бар. Ул юридик факультетларда укучы студентларны укытуның инновацион ысулы булып тора.

Бүгенге көндә Юридик Клиника –студент-юристларны тәҗрибә күнекмәләренә, юридик хезмәтләр күрсәтүнең башка төрләренә ярдәм сорап мөрәҗәгать итә алмый торган затларга түләүсез юридик ярдәм күрсәтү буенча эшкә һөнәри караш булдырырга өйрәтүне күздә тота торган укыту программасы. Студентлар әлеге эшчәнлекне граждан-хокук дисциплинасы кафедрасы укытучылары җитәкчелегендә гамәлгә ашыралар. «Мәгариф турында» Федераль законга үзгәрешләр кертү белән бәйле 2010 елдан юридик белгечләр әзерли торган барлык ЮУЙда юридик клиникалар оештырылырга тиеш.

Семинар-киңәшмә эше кысаларында халыкка юридик ярдәм күрсәтү төрләре; юридик клиникаларның оештыру-хокук төрләрен һәм түләүсез юридик ярдәм күрсәтү өчен халыкның аз милекле катлаулары критериеләрен билгеләү; Россия Федерациясендә һәм Татарстан Республикасында юридик клиникаларны үстерү һәм эшчәнлекләре үзенчәлекләре; юридик клиникаларны финанслау, шулай ук аларның дәүләт ярдәме мәсьәләләре, студентларның җитештерү һәм диплом алды тәҗрибәсе җирлеге буларак юридик клиникаларның башка мәсьәләләре белән бәйле мөһим мәсьәләләр хәл ителде.

Тәҗрибә эше хезмәткәләре белән бергә юридик клиникаларның суд һәм хокук саклау органнары, юстиция органнары, прокуратура, “Россия Юристлар Ассоциациясе” Татарстан төбәк бүлеге белән үзара хезмәттәшлеге, шулай ук юридик клиникаларның дәүләт һәм муниципаль  органнары белән мәгълүмат алмашы турында фикер алыштылар.

 

Татарстан Республикасы Юстиция министрлыгының Мабугат үзәге