2009 елда Татарстан Республикасы Юстиция министрлыгында башкарма дисциплина торышы һәм гражданнар мөрәҗәгатьләрен карап тикшерү турында

Бүген Татарстан Республикасы Юстиция министрлыгында “2009 елда Татарстан Республикасы Юстиция министрлыгында башкарма дисциплина торышы һәм гражданнар мөрәҗәгатьләрен карап тикшерү турында” коллегия утырышы узды. Анда Министрлык белгечләренең гражданнарның мөрәҗәгатьләре белән эшләүләренә нәтиҗәләр ясалды.

Мәсьәләләр турында фикер алышуда Э.А.Даутова - ТР Президентының Гражданнарның мөрәҗәгатьләре белән эшчәнлек идарәсенең мәгълүмат-аналитик эшләре бүлеге мөдире; Г.Л. Удачина – ТР Министрлар Кабинеты Хокук идарәсе җитәкчесе урынбасары катнаштылар.

Коллегия утырышында Татарстан Республикасы Юстиция министрлыгы эшләре белән идарә итүче С.А.Брусов һәм Татарстан Республикасы юстиция министры ярдәмчесе Т.П.Лобанова доклад белән чыгыш ясадылар.

С.А.Брусов үз чыгышында Министрлыкта документлар үтәлешен контрольдә тотуны оештыру, башкарма дисциплина торышы һәм электрон документлар әйләнеше турында сөйләде.

2007 елның 1 гыйнварыннан алып Министрлык керә торган документацияне электрон теркәүгә алуга күчте, ә  2007 елның 1 июленнән алып системага Министрлыкның барлык керүче һәм чыгучы корреспонденциясе кертелә.

2009 елның 20 декабренә 12657 документ кабул ителде һәм эшләнде. Хакимиятнең югары органнарыннан ТР ЮМ 290 документ керде. ТР Министрлар Кабинеты Аппаратының Башкарма хакимияте органнары хезмәттәшлеген координацияләү идарәсенең контрольдә тоту бүлеге мәгълүматлары буенча барлык документлар вакытында үтәлде. ТР муниципаль районнары буенча гражданнарны күчмә кабул итүне үткәрүнең расланган графигы нигезендә ТР ЮМ җитәкчелеге тарафыннан 2009 елда 219 кеше кабул ителде, шул исәптән 87 кеше күчмә кабул итү вакытында кабул ителде.

ТР Юстиция министрлыгына 2009 елның 20 декабренә 375 граждан мөрәҗәгате (2008 елда – 313) керде, ә ТР Хөкүмәтенең Рәсми порталындагы Интернет-приемная аша 148 мөрәҗәгать ( 2008 елда - 83) керде. 

Заманча мәгълүмат технологияләрен кертү белән бәйле рәвештә 2009 елда Интернет-мөрәҗәгатьләр саны артты. Коллегия утырышында «Татарстан Республикасында гражданнарның мөрәҗәгатьләре турында» ТР Законына өстәмәләр кертү һәм Татарстан Республикасы Юстиция министрлыгында гражданнарның мөрәҗәгатьләрен карап тикшерү буенча дәүләт хезмәте күрсәтүнең административ регламентына үзгәрешләр кертү хакында” мәсьәлә хәл ителде.

Коллегиядә рәис булган ТР юстиция министры, «Россиянең Юристлар ассоциациясе» Төбәк Татарстан бүлеге рәисе М.М.Корманов тагын Юристлар союзы ассоциациясе таныклыгын тапшырды.

 

ТР Юстиция министрлыгының Матбугат үзәге