Юстиция министры М.М.Корманов Балык Бистәсе муниципаль районында

Бүген юстиция министры М.М.Корманов Балык Бистәсе муниципаль районында эшлекле сәфәрдә булды, анда Татарстан Республикасы Балык Бистәсе муниципаль районы Советы сессиясе үтте.

Көн тәртибенә район бюджетындагы үзгәрешләр, муниципаль берәмлек уставына һәм муниципаль районның финанс-бюджет палатасы турында нигезләмәгә өстәмәләр белән бәйле оештыру мәсьәләләре куелган иде. Моннан тыш, “ТР Балык Бистәсе муниципаль районының контроль-хисап палатасы турында” Нигезләмә кабул ителде. Кертелгән үзгәрешләр гамәлдәге федераль һәм республика законнарына туры китерү белән бәйле.

Министр М.М.Корманов район советы сессиясендә сәламләү сүзе белән чыгыш ясады. Ул республикада җирле үзидарә реформасы буенча башкарылган эш турында сөйләде һәм депутатларның сорауларына җавап бирде.