ТР Юстиция министрлыгы белгечләре квалификациясен күтәрү

“Татарстан Республикасы дәүләт граждан хезмәте турында” ТР Законы нигезендә дәүләт хезмәткәрләре һәр өч ел саен үзләренең квалификацияләрен күтәрергә тиеш. Закон таләпләре нигезендә Татарстан Республикасы Юстиция министрлыгы ел саен үзенең белгечләрен квалификация күтәрү буенча курсларда уку өчен Мәскәү һәм Санкт-Петербург шәһәрләренең һөнәри яктан яңадан әзерләү институтларына җибәрә.

2007 елның ноябрендә ТР Юстиция министрлыгының закон проектлары белән эшләү бүлегенең әйдәүче эксперты Г.В.Романова “Дәүләт идарәсе” программасы буенча укырга Мәскәү шәһәренә РФ Президенты каршындагы Дәүләт хезмәте академиясенең Һөнәри яктан яңадан әзерләү һәм квалификация күтәрү институтына укырга җибәрелде.

Курс тыңлаучыларына 72 сәгать күләмендә лекция һәм гамәли дәресләр, дәүләт идарәсе, дәүләт һәм муниципаль хезмәтне хокукый тәэмин итү кафедрасында индивидуаль консультацияләр тәкъдим ителде.

Лекцияләр югары профессиональ дәрәҗәдә үтте. РФ Хөкүмәте каршындагы Законнар һәм чагыштырма хокук белеме институты директорының беренче урынбасары, юридик фәннәр докторы, профессор Ю.А.Тихомировның дәүләт идарәсе мәсьәләләре буенча теоретик тикшеренүләре, шулай ук РДХАның дәүләт идарәсе, дәүләт һәм муниципаль хезмәтне хокукый тәэмин итү кафедрасы доценты, юридик фәннәр кандидаты И.В.Котелевскаяның дәүләт идарәсе, административ регламентлар реформасы һәм дәүләт хезмәте күрсәтүләрнең хокукый механизмнары буенча теоретик тикшеренүләре аеруча игътибарга лаек.

Укуны оештыру кысаларында дәүләт идарәсе һәм дәүләт хезмәтенең теоретик нигезләре өйрәнелде, дәүләт идарәсе һәм дәүләт хезмәтенең бүгенге проблемалары карап тикшерелде, аларның нигезләрен камилләштерү буенча фикер алышынды. Дәүләт идарәсе һәм дәүләт хезмәтенең нигезләре принципларына һәм норматив хокукый җайга салуга зур игътибар бирелде.