Матбугат хезмәтләре хезмәткәрләре өчен семинар

2007 елның 12-13 декабрендә “Татмедиа” ТР массакүләм коммуникацияләр агентлыгында матбугат хезмәтләре җитәкчеләре һәм хезмәткәрләре өчен “PR теориясе һәм практикасы” дигән семинар узды, аны Россия журналистлар берлеге һәм Идел буе Илкүләм тираж хезмәте оештырган иде.

Укуларга җәмәгатьчелек белән элемтә, ММЧ белән эшләү буенча белгечләр, шулай ук дәүләт, коммерциячел һәм муниципаль структураларның матбугат секретарьләре җыелган иде.

Семинарда Татарстан Республикасы Юстиция министрлыгын Министрлыкның матбугат секретаре Т.П.Лобанова тәкъдим итте.

Семинарда имидж булдыру һәм абруй белән идарә итү мәсьәләләре, коммуникация стратегиясе, шул исәптән корпорация эчендә, проблемалары турында, шулай ук аудитория булдыру факторы хакында фикер алышынды. Мәгълүмати идарә итү стратегиясе һәм PR технологияләре кебек мәсьәләләргә аерым игътибар бирелде. Семинар дәресләрне М.В.Ломоносов исемендәге МДУ журналистика факультетының журналистика һәм реклама кафедрасы мөгаллимнәре ф.ф.к. Е.Г.Калиберда һәм ф.ф.к. В.А.Караева үткәрделәр.

Семинар программасы кысаларында Ростехнадзор Федераль хезмәтенең ММЧ белән һәм гражданнар мөрәҗәгатьләре белән эшләү бүлеге мисалында “РФда гражданнар мөрәҗәгатьләрен карап тикшерү тәртибе турында” ФЗ белән эшләүне оештыру карап тикшерелде.

Семинар тәмамланганнан соң, PR теориясе һәм практикасы мәсьәләләре буенча белгечләр әзерләүне үтүне исбатлаучы сертификатлар тапшырылды.