Юстиция министры М.М.Корманов кеше хокукларына һәм ирекләренә багышланган конференциядә

Россия Федерациясе Конституциясе көнендә Россия суд эшчәнлеге академиясенең Казан филиалында “Кеше хокуклары һәм ирекләре: теория һәм юридик практика мәсьәләләре” темасына Бөтенроссия фәнни-гамәли конференциясе узды.

Конференцияне Россия суд эшчәнлеге академиясе (Казан филиалы) һәм “Яшь юрист” студентлар фәнни берләшмәсе оештырды.

Конференциядә кеше хокуклары һәм ирекләре өлкәсендә халыкара, европа, конституциячел, муниципаль һәм административ хокукның актуаль проблемалары турында фикер алышынды. Пленар утырышта чыгыш ясаган ТР юстиция министры, ю.ф.к. М.М.Корманов үзенең “Республика законнарын республиканың дәүләт телендә кабул итү һәм халыкка җиткерү” темасына докладында әлеге чарада катнашучылар фикер алышкан кайбер мәсьәләләргә кагылып үтте.