2007 елда ТР Юстиция министрлыгының эш нәтиҗәләре турында

Узган 2007 елда Татарстан Республикасы Юстиция министрлыгының эш нәтиҗәләрен бүген Министрлык коллегиясенең киңәйтелгән утырышында чыгардылар. Анда ТР Премьер-министры Р.Н.Миңнеханов катнашты.

Мәсьәлә турында фикер алышуларда ТР ДСның Дәүләт төзелеше һәм җирле үзидарә комитеты рәисе А.С. Федоров, ТР коррупциягә каршы сәясәтен гамәлгә ашыру бүлеге җитәкчесе  Ш.Х. Дәүләтгилдәев, ТР Хезмәт, халыкны эш белән тәэмин итү һәм социаль яклау министры урынбасары Э.Ә.Маврина, ТР Президенты каршындагы Дәүләт хезмәткәрләре эшләре буенча департамент җитәкчесе Н.Г.Китанина, ТР Әлмәт муниципаль районы башкарма комитеты җитәкчесе М.Г.Хафизов,  шулай ук ТР Прокуроры К.Ф.Әмиров, Татарстан Республикасында Кеше хокуклары буенча вәкаләтле вәкил Р.Г.Вәгыйзов, ТР Югары суды рәисе урынбасары И.И.Гыйләҗев катнаштылар.

Коллегиядә ведомствоның эш йомгаклары турында доклад белән юстиция министры М.М.Корманов чыгыш ясады. Үз чыгышында ул 2007 елда Министрлыкның Татарстан Республикасы Президентының Татарстан Республикасы Дәүләт Советына Юлламасында, Россия Президентының Россия Федерациясе Федераль Җыенына Юлламасында билгеләнгән стратегик юнәлешләрне гамәлгә ашыруда катнашуын билгеләп үтте.

Аерым алганда, Татарстан Республикасы Президентының Татарстан Республикасы Дәүләт Советына Юлламасын тормышка ашыру буенча 2007 елда Татарстан Республикасы Хөкүмәте гамәлләренең комплекслы планын үтәүдә Министрлык, аерым планлаштырылган чараларның үтәлеше өчен җаваплы булып, алга куелган бурычларның 100 % үтәлешен үз вакытында тәэмин итте.  

ТР дәүләт хакимияте башкарма органнарының закон чыгару һәм бүтән норма тудыру эшчәнлеген хокукый тәэмин итүгә һәм координацияләүгә аерым басым ясалды. 2007 елга ТР Дәүләт Советында Закон проектлары белән эшләүнең якынча планы нигезендә ТР Министрлар Кабинеты 19 закон проектына мөнәсәбәттә Татарстан Республикасы Дәүләт Советында закон чыгару инициативасы субъекты булып торган. Татарстан Республикасы Министрлар Кабинеты тарафыннан Якынча план үтәлешенең статистикасы түбәндәгечә: 13 Татарстан Республикасы Законы кабул ителде, имзаланган һәм бастырып чыгарылган; 1 закон проекты Якынча планнан төшереп калдырылган; 2 закон проектын ТР Дәүләт Советы эшләп бетерергә кайтарган.

ТР Дәүләт Советы Графикта каралган, Республика Хөкүмәте раслаган, әмма Якынча планга кертелмәгән булган “Татарстан Республикасында урманнардан файдалану турында” ТР законы проектын беренче укылышта кабул итте.

Татарстан Республикасы Министрлар Кабинетының планнан тыш закон проектлары белән эшчәнлегенә килгәндә, 2007 елда Татарстан Республикасы башкарма хакимият органнары тарафыннан 46 закон проекты әзерләнде.

2591 норматив хокукый акт проектына экспертиза үткәрелде.

Татарстан Республикасы Премьер-министры, аның урынбасарлары, ТР Министрлар Кабинеты Аппараты Җитәкчесенең норма төзү эшчәнлеге өлкәсендә 200 дән артык йөкләмәсе үтәлде.

Татарстан Республикасы Прокурорының 34 протестына (тәкъдименә, гаризасына), Россия Юстиция министрлыгының Идел буе федераль округы буенча Идарәсенең Россия Федерациясе субъектлары законнары һәм Татарстан Республикасында федераль регистр алып бару бүлегенең 10 бәяләмәсенә анализ үткәрелде.

Узган елның үзенчәлеге булып “Вәкаләтләрне чикләүне камилләштерү белән бәйле Россия Федерациясенең аерым закон актларына үзгәрешләр кертү турында” 29.12.2006 елдагы 258-ФЗ номерлы Федераль законны гамәлгә ашыру буенча масштаблы норма төзү эшчәнлеге тора.

Бүгенге көндә республикада Татарстан Республикасы законнарының эшләү нәтиҗәлеген бәяләү һәм камилләштерү эше башкарыла. Министрлык тарафыннан Татарстан Республикасы законнары эшләвенең нәтиҗәлелеген камилләштерү буенча Татарстан Республикасы башкарма хакимият органнары, ТРда Кеше хокуклары буенча вәкаләтле вәкил, ТР Җәмәгать палатасы һәм бүтән органнар һәм оешмаларның тәкъдимнәре анализланды һәм гомумиләштерелде.

Шулай итеп, 237 Татарстан Республикасы Законына анализ ясалды, алар буенча тиешле тәкъдимнәр Татарстан Республикасы Министрлар Кабинетына һәм Дәүләт Советына кертелде.

Министр ТР Министрлар Кабинеты карарларына аларның конкуренцияне яклау өлкәсендә федераль законнарга туры килүенә, шулай ук аларның коррупциячеллек предметына анализ үткәрү турында статистиканы китерде. ТР Юстиция министрлыгы эшчәнлегенең төп юнәлешләренең берсе булып Татарстан Республикасы норматив хокукый актларының бердәм банкын формалаштыру һәм алып бару тора.

2007 елда бердәм банкка кертү өчен тәкъдим ителде 4766 документ өйрәнелде, алардан 3953 норматив хокукый акт бердәм банкка кертелде (2006 ел белән чагыштырганда Министрлыкка тәкъим ителгән актлар буенча үсеш 26,6%, ә бердәм банкка кертелгән актлар буенча үсеш - 52,4%).

Коллегиядә муниципалитетлар вәкилләре ктанашуы муниципаль хокукый актлар белән эшне фикер алышуга чыгарырга мөмкинлек бирде. Бүгенге көндә бердәм банкка кертү өчен норматив хокукый актлар республиканың 43 муниципаль районыннан һәм 2 шәһәр округыннан киләләр.

2007 елда Татарстан Республикасы норматив хокукый актларының бердәм банкыны кертү өчен муниципаль берәмлекләрдән 3120 муниципаль акт килде, алардан 2552 муниципаль хокукый акт бердәм банкка кертелде (2006 елда 2526 муниципаль акт килде, 1741 акт кертелде).

Законсыз муниципаль хокукый актлар куллануны кисәтү максатларында 2007 елның 10 июлендә муниципаль берәмлекләр җитәкчеләре, Татарстан Республикасы прокуратурасы һәм район (шәһәр) прокуратуралары вәкилләре катнашында республика киңәшмәсе үткәрелгән (видеоконференция режимында).

Республикада “Муниципаль норматив хокукый актлар регистрын оештыру һәм алып бару белән бәйле Россия Федерациясенең аерым закон актларына үзгәрешләр кертү турында” Федераль законны гамәлгә ашыру буенча җитди эш көтелә.

Күрсәтелгән регистрга барлык дәрәҗәдәге җирле үзидарә органнарының, шул исәптән авыл җирлекләренең, ягъни 998 муниципаль берәмлекнең муниципаль норматив хокукый актлары кертеләчәк.

2004-2013 елларга Татарстан Республикасының дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы Дәүләт программасын гамәлгә ашыру максатларында Министрлык белгечләре тарафыннан татар телендә хокукый актларның Электрон китапханәсе төзелә. Федераль норматив хокукый актларны тәрҗемә итү эше оештырылды. Электрон китапханәгә татар телендә 49 РФ һәм ТР норматив хокукый акты кертелде. 10 федераль закон эшләп бетерү процессында.

Министр республика башкарма хакимияте органнарының норматив хокукый актларын дәүләт теркәвенә алу буенча эшен билгеләп үтте, алар исемлегенә   Татарстан Республикасының 18 министрлыгы һәм 10 ведомствосы керә.

Әгәр, 2006 елда дәүләт теркәвенә алуга 107 норматив хокукый акт керсә, аларның 47се теркәлде, 2007 елда 141 норматив хокукый акт керде. Алардан: 89 акт теркәлде, 33 акт эшләп бетерергә кайтарылды, 13 акт теркәүгә алу кирәк түгел дип танылды, законнарга туры килмәүләре сәбәпле 6 актны теркәүгә алудан баш тартылды.

Дәүләт теркәвенә алуга бирелә торган норматив хокукый актларның сыйфаты үсүгә 2007 елның 3 маенда “Татарстан Республикасы министрлыклары һәм ведомстволарының норматив хокукый актларын дәүләт теркәвенә алу практикасы турында” мәсьәләсе буенча үткәрелгән Министрлык коллегиясе ярдәм итте.

Үз чыгышында ведомство җитәкчесе Министрлыкның хокукый мәсьәләләр буенча җирле үзидарә органнары белән багланышлары турында сөйләде. Билгеле булганча, 2006 елда Министрлык структурасында Хокукый мәсьәләләр буенча җирле үзидарә органнары белән багланышлар оештыру департаменты төзелде. Департамент хезмәткәрләре җирле үзидарәнең норматив хокукый базасын формалаштыруда катнаша. Аерым алганда, җирле үзидарә турында федераль законнардагы үзгәрешләрне исәпкә алып, республика законнарына ТР административ-территориаль төзелеше турында һәм аерым муниципаль районнарны яңадан төзү, аларның чикләрен үзгәртү турында үзгәрешләр кертелде, шулай ук кайбер муниципаль районнарда территория чикләрен һәм муниципаль берәмлекнең статусын билгеләү белән бәйле закон проектлары эшләнде.

Департамент белгечләре яңадан оешкан муниципаль районнарга тапшырылган мөлкәт йөкләмәләре буенча тапшыру актларын раслау турында 8 закон проекты әзерләде. Алексеевск, Лаеш, Спас, Чирмешән, Питрәч, Биектау муниципаль районнары җирлекләре чикләренең картографик тасвирламасы турында закон проектлары эшләнә һәм килештерелә.

Уен йортлары буенча мәсьәләне җайга салу кысаларында ТР Министрлар Кабинеты карарлары эшләнде, алар уен йорларын ачуга рөхсәтләр бирүнең яңа тәртибен расладылар һәм Түбән Кама муниципаль районының “Кама Аланы шәһәр тибындагы поселогы” муниципаль берәмлеге территориясендә аларны ачуга рөхсәтләрнең чик санын билгеләү мәсьәләсен җайга салдылар.

Докладында министрҖҮИ органнарының вазыйфаи затлары белән  муниципаль берәмлекләр проблемалары буенча аеручы еш туа торган мәсьәләләрне яктырту максатыннан оештыралган семинар-киңәшмәләр, шул исәптән күчмә, үткәрү турында сөйләде, муниципаль берәмлекләрдә хокук бозуларны профилактикалау буенча эшкә, шулай ук административ комиссияләр һәм балигъ булмаганнар эшләре һәм аларның хокукларын яклау буенча комиссияләр эшчәнлеген оештыруга тукталып үтте.

Юстиция министрлыгы җитәкчесе үз докладында җәмәгать судьялары эшчәнлеген оештыру, шул исәптән матди-техник тәэмин итүгә, җәмәгать судьялары аппараты эшчәнлеген финанс яктан һәм кадрлар белән тәэмин итүгә комплекслы анализ ясады. Ул шулай ук ТР Юстиция министрлыгының Татарстан Республикасы мәнфәгатьләрен судта яклауда катнашуы турында, гражданнар мөрәҗәгатьләре белән эшне оештыру турында, 2008 елда Министрлыкның эш юнәлешләре буенча бурычлар һәм аларның нәтиҗәле хәл итү турында мәсьәләләрне яктыртты.

Коллегия утырышында чыгыш ясаган ТР Премьер-министры Р.Н.Миңнеханов ТР юстиция министры һәм аның командасы эшчәнлегенә уңай бәя бирде һәм Министрлыкның эшчәнлек юнәлешләре буенча кайбер тәкъдимнәр белдерде. Аерым алганда, ТР Премьер-министры министрлыкның үтәү дисциплинасы һәм алардан килгән закон проектларының сыйфаты мәсьәләсен кузгатты, соңгы нәтиҗәдә алар Татарстан икътисадына акча салуга тәэсир итәләр, мисал өчен, Татарстан Республикасына инвесторлар килү очрагында. Аннары җәмәгать судьяларының хезмәт урыннары белән тәэмин ителеше проблемасына тукталды, әлеге мәсьәләне муниципалитетлар белән бергә хәл итергә тәкъдим итте; халыкка хокукый мәгълүмат бирү өчен мәгълүмати ресурсны файдаланырга, шулай ук суд процессларында халык һәм республика мәнфәгатьләрен яклый алырга сәләтле квалификацияле кадрлар әзерләүне көчәйтергә тәкъдим итте.

Коллегия утырышы бүләкләүләр белән тәмамланды. Татарстан Республикасы Хөкүмәтенең рәхмәт хатлары белән ТР Юстиция министрлыгының норматив хокукый актларның бердәм банкы бүлеге җитәкчесе Э.М.Аверьянова һәм Финанс бүлеге җитәкчесе урынбасары Е.С.Гусева бүләкләнделәр.  Юстиция министрлыгының Мактау кәгазьләре Министрлык белгечләренә һәм ТР җәмәгать судьялары аппараты хезмәткәрләренә тапшырылды.

Коллегия эшендә ТР Президентының Дәүләт-хокук идарәсе җитәкчесе Р.А.Сәхиева, ТР Конституция суды рәисе  В.Н.Демидов,  ТР Дәүләт Советының Законлылык, регламент һәм депутат этикасы комитеты рәисе  Җ.Г. Яһүдин, ТР Министрлар Кабинеты Аппаратының Хокук идарәсе җитәкчесе  Р.Ф.Гафиятуллин, шулай ук Россия Федерациясе дәүләт хакимияте органнарының Татарстан Республикасы буенча территориаль структуралары, Татарстан Республикасы Министрлар Кабинеты каршындагы оешмалар һәм республиканың башка органнары җитәкчеләре катнаштылар.

Коллегия эшендә барлыгы 150 кеше катнашты, алар арасында министрлык һәм ведомстволарның норма төзү эшчәнлеген оештыру өчен җавап бирүче республика башкарма хакимият органнары җитәкчеләре урынбасарлары, ТР Юстиция министрлыгының структур бүлекчәләре җитәкчеләре, муниципаль берәмлекләр вәкилләре, Татарстан Республикасы җәмәгать судьялары һәм ТР җәмәгать судьялары аппараты хезмәткәрләре бар иде.

Коллегия утырышын ТР юстиция министры М.М.Корманов алып барды.