Татар телендә электрон китапханә эшләү, төзү, аның гамәлдә булуы буенча эшче төркем утырышы

Бүген ТР Юстиция министрлыгында Россия Федерациясе һәм Татарстан Республикасы норматив хокукый актларының татар телендә электрон китапханәсен эшләү, төзү, аның гамәлдә булуын тәэмин итү буенча эшче төркем утырышы булды.

Инде билгеле булганча, Гарант компаниясе программаның тышлыгын эшләде, ул Татарстан Республикасы Хөкүмәте Порталының Юстиция министрлыгы Субпорталында урнашкан һәм Интернеттан файдаланучы һәркемгә китапханә ресурсларына керергә мөмкинлек бирә.

Тышлыкта документ реквизитлары (мәсәлән, документның номеры, көне, төре, аны кабул иткән орган) буенча уңайлы эзләү һәм контекстан эзләү башкарыла. Һәр документка әлеге документның кайда һәм кайчан басылып чыгуы, аңа нинди үзгәрешләр кертелүе турында мәгълүматлар белән белешмә тутырыла. Документларның текстлары рәсми документларның график күчермәләре рәвешендә бирелгән, бу кулланучыларга докуменларның “төп нөсхәләрен” карарга мөмкинлек бирә. Моннан тыш теләсә кайсы документны кулланучының компьютерында сакларга була.

Бүгенге көндә китапханәдә татар телендә 60 якын документ бар, алар арасыннан федераль норматив актлар уннан артык.

Россия Федерациясе һәм Татарстан Республикасы норматив хокукый актларының татар телендә электрон китапханәсе проектын алга таба гамәлгә ашыру кысаларында эш киңәшмәсендә тышлыкны һәм документ реквизитларын тулысынча татар теленә күчерү, шулай ук электрон китапханәне норматив хокукый актларның график күчермәләреннән тулы текст рәвешенә күчерү мәсьәләсе хәл ителде. Бу документ эчендә контекстан эзләүне гамәлгә ашырырга, документлар текстына үзгәрешләрне тагын да оперативрак кертергә мөмкинлек бирәчәк. 

Проектны финанслау һәм проектны гамәлгә ашыруда катнашучы тәрҗемәчеләр төркеме белән эшләү мәсьәләләре күтәрелде.

Эшче төркем утырышын ТР юстиция министрының беренче урынбасары С.Н.Столяров алып барды.