Суд статистикасын алып бару буенча кулланма расланды

Россия Федерациясе Югары Суды каршындагы Суд департаментының 2007 елның 29 декабрендәге 169 номерлы карары белән Суд статистикасын алып бару буенча кулланма  расланды.

Кулланма гомуми юрисдикциядәге судлар системасында: республикаларның югары судларында, край һәм өлкә судларында, федераль әһәмияттәге шәһәрләрнең судларында, автономияле өлкәләрнең һәм автономияле округларның судларында, район судларында, җәмәгать судьялары участокларында суд статистикасын алып бару вазыйфаларын гамәлгә ашыру, шулай ук Суд департаментының, Россия  Федерациясе субъектларында Суд департаменты идарәләренең гомуми юрисдикциядәге күрсәтелгән судлар һәм суд статистикасын алып бару мәсьәләләре буенча җәмәгать судьялары эшчәнлеген тәэмин итү органнары белән багланышлары регламентлаштырыла.

Кулланмада судларда һәм җәмәгать судьялары участокларында алып барыла торган беренчел статистика исәп-хисабы мәгълүматлары нигезендә гомуми юрисдикциядәге судларның эшчәнлеге һәм хөкем ителгән булуы турында рәвешләр буенча статистик исәп-хисаплар булдыру кагыйдәләре; беренчел статистик хисапны булдыру, аны эшкәртү, җыелма статистика хисаплылыгын алу, аны саклау һәм мәнфәгатьле ведомстволарга бирү тәртибе билгеләнә.