Яшь юристлар советы утырышы

2012 елның 28 мае, дүшәмбе
2012 елның 24 маенда Россия юристлар ассоциациясенең Татарстан төбәк бүлеге каршындагы Яшь юристлар советы утырышында Советның 2012 елның узган биш ае дәвамындагы эшенә йомгак ясалды һәм җәйге чорга башкарылачак эшләр фаразланды.
Фикер алышынган беренче мәсьәлә 2012 елның 16-19 май көннәрендә Санкт-Петербургта узган II Петербург Халыкара юридик форумы эшендә Татарстаннан яшьләр делегациясенең катнашуы нәтиҗәләре булды. Татарстан делегациясенә Казан шәһәренең төрле югары уку йортларыннан вәкилләр керде. Нәкъ алар - Татарстан Республикасында “Чиста сайлау өчен” күзәтүчеләр корпусы координаторлары һәм Россия юристлар ассоциациясенең Татарстан төбәк бүлеге каршындагы Яшь юристлар советы әгъзалары: Эльвира Вәгыйзова, Тимур Какохо, Руслан Галиуллин, Анастасия Федотова, Элина Фирсова, Рөстәм Шакирҗанов. Делегациянең җитәкчесе РФ Дәүләт Думасы депутаты ярдәмчесе, Россия юристлар ассоциациясенең Татарстан төбәк бүлеге каршындагы Яшь юристлар советы рәисе Станислав Александров булды.
Яшьләр форумының темасы “Заманча дөньяда юрист һөнәре” дип билгеләнгән иде.
Форумда катнашучылар кайнар дискуссия барышында юридик белем алу проблемалары, юристның социаль билгеләнеше, юрист һөнәренә кереп китү һәм аның эчендәге хәрәкәт, эш эзләү, шулай ук халыкның хокукый белеме булмау һәм түләүсез юридик ярдәм күрсәтү проблемалары турында фикер алышканнар.
Форум җиде секциядә эшләгән. Татарстан делегациясе әгъзалары шуларның өчесендә катнашкан: һөнәри юридик этика – юридик белгечлек буенча белем алучы студентлар тарафыннан зур әһәмият бирелә торган юнәлеш. Станислав Александров әлеге секция президиумына керде һәм утырышта Татарстан Республикасы үрнәгендә Россия юристлар ассоциациясенең “Хокук мәктәбе” проектына багышланган нотык белән чыгыш ясады. Секция эшендә шулай ук Элина Фирсова, Анастасия Федотова һәм Рөстәм Шакирҗанов катнаштылар. Руслан Галиуллин  һәм Тимур Какохо сайлау законнарының кулланылышы буенча билгеләнгән секция утырышында, Эльвира Вәгыйзова исә Россия Федерациясенең милли куркынычсызлыгында берләшү процесслары һәм хокукый тәэминат секциясе эшендә катнашты.
Чарада катнашучылар Форумнан, РФ Конституция Судына экскурсиядән алган тәэсирләре, секцияләрнең эше оештырылу һәм Форумда катнашучылар арасында булган һәм залда кызыксыну уяткан, мөхтәрәм экспертларга төрле сораулар бирү өчен нигез биргән ачыктан-ачык сөйләшүләр турындагы фикерләре белән уртаклаштылар. Шунда ук күрсәтмә-тәкъдимнәр әйтелде, аларны Совет рәисе Станислав Александров чараны оештыручыларга җиткерәчәк.
Аннары утырышта катнашучылар быелгы елда Совет эшенә нәтиҗәләр чыгарды. Аерым алганда, “Хокук мәктәбе” проекты буенча ниятләнгән гамәлләрнең башкарылуы, бердәм түләүсез юридик ярдәм көннәрендә катнашу, югары уку йортларында федераль законнарның проектлары белән эшләү һәм алар буенча бәяләмәләр әзерләү мәсьәләләре үзәккә куелды. Рәислек итүче Советның җәйге чорга планнарын җиткерде. Яшь юристлар советы әгъзалары алдында - җәйге яшьләр лагере. Ул август уртасында Ульяновск шәһәрендә оештырылачак. Ә Казанда август ахырында Россия юристлар ассоциациясенең төбәк бүлекчәләре командалары арасында футбол турнирлары узачак. Мәгълүм булганча, 2011 елда футбол буенча беренчелекне РЮАнең Татарстан төбәк бүлеге футбол командасы яулады.
Утырыш күңелле вакыйга белән тәмамланды: Совет рәисе Станислав Александров Фирсова Элинага РЮА төбәк бүлегенең яшьләр хәрәкәтен үстерүгә зур өлеш кертүе өчен РЮАнең Татарстандагы оешмасы рәисе М.М.Кормановның Рәхмәт хатын һәм РЮАнең ТТБ каршындагы совет әгъзаларына Россия юристлар ассоциациясе күкрәк билгеләрен тапшырды.
 
ТР Юстиция министрлыгының Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International