ТР Чирмешән районы гражданнарын видео аша кабул итү

2012 елның 31 мае, пәнҗешәмбе
2012 елның 29 маенда Татарстан Республикасы юстиция министры М.М.Корманов чираттагы видео аша кабул итүне үткәрде, бу юлы Чирмешән муниципаль районында яшәүчеләр кабул ителде. Видео аша элемтәдә Чирмешән муниципаль районы башлыгы Н.Н.Хәмидуллин, муниципаль районның башкарма комитеты, бухгалтерия хезмәте җаваплы хезмәткәрләре, шулай ук авыл җирлекләре башкарма комитетлары хезмәткәрләре һәм авыл җирлекләре башлыклары катнашты.
Видеоконференция элемтәсе тәртибендә узган кабул итү барышында 7 кешенең гозере тыңланды, нәтиҗәдә 7 сорау яңгырады, аларның дүртесе – “Россия Федерациясендә муниципаль хезмәт турында” Федераль закон, берсе – салым салу, бер гамәли сорау – ТР Юстиция министрлыгының муниципаль берәмлекләргә хокукый ярдәм күрсәтү белән шөгыльләнүче белгечләрнең кыскартылуы, тагын берсе норматив хокукый актларны ТР муниципаль берәмлекләре порталында бастырып чыгару турында булды.
Юстиция министры сорауларга җавап бирүдән тыш, гражданнарга һәр төгәл очракта үзләренең хокукларын һәм бу хокукларны закон нигезләмәләренә сылтап тормышка ашыру тәртибен тормыштан алынган хәлләргә таянып аңлатты. Гомумән алганда, кабул итүдә катнашучыларның үзара аралашуы бик җанлы булды.
Татарстан Республикасы юстиция министры М.М.Корманов ай саен муниципаль берәмлекләр гражданнарын видео аша кабул итә. Әлеге сөйләшүләр вакытында муниципаль хезмәткәрләр, авыл җирлекләре башлыклары һәм гражданнар муниципаль хезмәт турында законнарның, шул исәптән коррупциягә каршы тору турында законнарның гамәлгә ашырылуына кагылышлы сораулар бирәләр. Күп кенә сораулар шулай ук коррупциягә каршы экспертиза үткәрүгә, бәйсез экспертларга карата таләпләргә, муниципаль хезмәт белән бәйле чикләүләрне тормышка ашыруга, муниципаль хезмәткәрләрнең бүләкләр алуына һәм башкаларга карый.
ТР Юстиция министрлыгы, башка муниципаль районнар халкы һәм җирле үзидарә органнарының вазыйфаи затларына уңайлы булсын өчен, яңгыраган сораулар белән аларга җавапларны үз сайтындагы “Еш бирелә торган сораулар”бүлегенә урнаштыра.
 
 
ТР Юстиция министрлыгының Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International