Җирле үзидарә органнарына юридик ярдәм күрсәтү турында

2012 елның 5 июне, сишәмбе
2012 елның 4 июнендә Татарстан Республикасы Юстиция министрлыгы һәм РФ Юстиция министрлыгының Татарстан Республикасы буенча идарәсе белгечләре, җирле үзидарә органнарына хокукый ярдәм күрсәтү максатында, Татарстан Республикасы Лаеш муниципаль районында район җирлекләре башлыклары белән очраштылар.
Районга эш сәфәренә юстиция министры урынбасары - Татарстан Республикасы Юстиция министрлыгының Хокукый мәсьәләләр буенча җирле үзидарә органнары белән үзара хезмәттәшлек оештыру департаменты башлыгы М.М.Ибәтов җитәкчелек итте. Очрашуда Лаеш муниципаль районы башлыгы М.П.Афанасьев катнашты.
Министр урынбасары М.М.Ибәтов очрашу кысаларында җирлек башлыклары алдында чыгыш ясады. Үз чыгышында ул законнардагы соңгы яңалыкларга һәм җирле үзидарә органнары белән Министрлык арасындагы үзара мөнәсәбәт юнәлешләренә тукталды.
Очрашуда катнашучыларга шулай ук РФ Юстиция министрлыгының Татарстан Республикасы буенча идарәсенең Россия Федерациясе законнары, федераль регистрны алып бару һәм муниципаль берәмлекләрнең уставларын теркәү бүлеге җитәкчесе М.А.Пашкова, Министрлыкның Татарстан Республикасы норматив хокукый актларының бердәм банкы бүлеге җитәкчесе урынбасары Э.И.Слепнева аңлатмалар бирде.
Очрашу барышында җирлек башлыклары җирле әһәмияттәге аерым мәсьәләләрне хәл иткәндә, шулай ук коррупциягә каршы законнарны тормышка ашырганда туа торган күпсанлы четерекле сорауларын бирделәр. Аларның күбесе муниципаль берәмлекләрнең уставларын әзерләүгә һәм аларга үзгәрешләр кертүгә кагылышлы булды.
Ике ведомство белгечләре муниципаль берәмлекләрнең вазыйфаи затларына мәгълүмат-консультация бирү рәвешендәге юридик ярдәм күрсәттеләр.
 
 
ТР Юстиция министрлыгының Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International