Муниципаль дәрәҗәдә коррупциягә каршы тору мәсьәләсенә багышланган семинар-киңәшмәдә катнашу турында

2012 елның 9 июне, шимбә
2012 елның 8 июнендә Татарстан Республикасы Мәдәният министрлыгының утырышлар залында муниципаль берәмлекләрнең башлыклары, башкарма комитетлары вәкилләре, муниципаль берәмлекләрнең кадрлар бүлекчәләре һәм юридик хезмәтләре хезмәткәрләре катнашында семинар-киңәшмә булды. Анда муниципаль дәрәҗәдә коррупциягә каршы тору мәсьәләсе турында фикер алышынды.
Тәгаенләп әйтсәк, сөйләшүдә республика муниципаль районнарында муниципаль хезмәткәрләрнең хезмәт урыннарындагы тәртибенә карата куелган таләпләрне үтәү һәм мәнфәгатьләр каршылыгын җайга салу буенча бердәм комиссияләр төзү, башлыкларга коррупциягә каршы тору мәсьәләләре буенча ярдәмчеләр билгеләү турында сүз барды.
Семинар–киңәшмә республиканың барлык муниципаль районнары һәм шәһәр округлары тоташкан видеоконференция тәртибендә узды.
Семинарда “2012-2013 елларга коррупциягә каршы тору илкүләм планын раслау белән бәйле рәвештә Татарстан Республикасында җирле үзидарә органнарының муниципаль хокукый актлар кабул итүе турында” мәсьәләсе буенча министр урынбасары - ТР Юстиция министрлыгының Хокукый мәсьәләләр буенча җирле үзидарә органнары белән үзара хезмәттәшлекне оештыру департаменты җитәкчесе М.М.Ибәтов чыгыш ясады. Аның нотыгында коррупциягә каршы тору өлкәсендә кирәкле муниципаль норматив хокукый актлар эшләү һәм хокукый актларны Татарстан Республикасы муниципаль норматив хокукый актлар регистрына юллау буенча эшне оештыру белән бәйле кайбер аспектлар ачылды.
Семинарда чыгыш ясаган мәгълүмат-аналитика эше, координацияләү һәм планлаштыру бүлеге җитәкчесе А.М.Чашин 2012-2014 елларга коррупциягә каршы комплекслы республика программасы гамәлләренең җирле үзидарә органнары тарафыннан үтәлүе турында мәгълүмат бирде.
Семинарда коррупциягә каршы тору өлкәсенә караган һәм якын арада хәл ителергә тиешле иң мөһим проблемалар һәм аларны хәл итү ысуллары билгеләнде.
ТР Юстиция министрлыгының Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International