Муниципаль районнарда очрашулар

2012 елның 13-14 июнь көннәрендә Татарстан Республикасы юстиция министры М.М.Корманов, министр урынбасары - Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты җитәкчесе М.М.Ибәтов җитәкчелегендә Татарстан Республикасы Юстиция министрлыгының эшче төркеме Татарстан Республикасы Дәүләт Советының Законлылык һәм хокук тәртибе комитеты рәисе урынбасары Р.Г.Ногманов җитәкчелегендә Татарстан Республикасы Дәүләт Советы комитеты белән берлектә, шулай ук ТР буенча Эчке эшләр министрлыгының Татарстан Республикасы башкарма хакимияте органнары һәм җирле үзидарә органнары белән үзара мөнәсәбәттә тору бүлеге җитәкчесе Н.Ю.Котикова, Татарстан Республикасы Министрлар Кабинеты каршындагы Балигъ булмаганнар эшләре һәм аларның хокукларын яклау буенча республика комиссиясенең җаваплы секретаре И.Х.Гарифуллина һәм дә ТР буенча ЭЭМ, ТР Юстиция министрлыгы хезмәткәрләре катнашында Минзәлә һәм Мөслим муниципаль районнарында Татарстан Республикасы Дәүләт Советы Комитетының “Минзәлә һәм Мөслим муниципаль районнарында хокук тәртибен тәэмин итү һәм хокук бозуларны профилактикалау турында Татарстан Республикасы законнарын тормышка ашыру барышы хакында” 2011 елның 4 октябрендәге 96 номерлы карарының үтәлеше, шулай ук административ комиссияләр төзү һәм аларның эшчәнлеген оештыру буенча тапшырылган дәүләт вәкаләтләренең Минзәлә һәм Мөслим муниципаль районнарының җирле үзидарә органнары тарафыннан гамәлгә ашырылуын өйрәнде.

Муниципаль районнарда 2012 елның 14 июнендә узган тикшерү нәтиҗәләренә таянып, Татарстан Республикасы Дәүләт Советының Законлылык һәм хокук тәртибе комитеты рәисе урынбасары Р.Г.Ногманов, Татарстан Республикасы юстиция министры М.М.Корманов, министр урынбасары - Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты җитәкчесе М.М.Ибәтов җирле үзидарә органнары һәм муниципаль учреждениеләр җитәкчеләре, районнардагы хокук саклау органнары вәкилләре белән киңәшмә үткәрделәр, анда профилактикалау субъектларының нотыклары тыңланды һәм хокук бозуларны профилактикалау өлкәсендә эш оештыру юнәлешләре билгеләнде.

Йомгаклау киңәшмәсендә муниципаль районның барлык авыл җирлекләре башлыклары катнашты. Татарстан Республикасы юстиция министры М.М.Корманов алар белән җирле үзидарә турында законнарның тормышка ашыруның мөһим мәсьәләләре турында фикер алышты, законнардагы соңгы яңалыклар турында сөйләде, күпсанлы сорауларга җавап бирде.

Аннары Татарстан Республикасы юстиция министры М.М.Корманов министр урынбасары М.М.Ибәтов белән бергә гражданнарны кабул иттеләр.

Юстиция министрына бирелгән сораулар беренче группа инвалидына җир салымы буенча ташлама бирү, тиешле еллар эшләгән буенча пенсиягә чыгу өчен хезмәт стажын исәпләү, мирасны рәсмиләштерү, ана капиталын куллануга кагылышлы иде.

“Хезмәт ветераны” статусын алу, күпбалалы гаиләнең фатир сату-алу шартнамәсен рәсмиләштерү, җирле үзидарә органнарында ышаныч язуларын рәсмиләштерү мөмкинлеге турында сораулар юстиция министры урынбасарына бирелде.

Бүгенге көндә борчыган мәсьәләләрне аңлатуны сорап мөрәҗәгать иткән гражданнарның һәрберсенә тулы җаваплар бирелде.

 

ТР Юстиция министрлыгының Матбугат хезмәте