ИК-19 да юридик ярдәм күрсәтү

Татарстан Республикасында мәҗбүри тоту урыннарында затларга юридик ярдәм күрсәтү буенча социаль проектны тормышка ашыру дәвам итә, аны Татарстан Республикасы Юстиция министрлыгы Россия юристлар ассоциациясенең Татарстан төбәк бүлеге белән берлектә Россия җәзалар үтәтү федераль хезмәтенең Татарстан Республикасы буенча идарәсе белән тыгыз мөнәсәбәттә торып оештыра. Әлеге проектның төп максаты – хөкем ителгәннәрнең гражданлык җәмгыятендә кешенең җайлашуына ресоциальләштерү.

2012 елның 15 июнендә 19 нчы төзәтү колониясендә (ИК-19) чираттагы кабул итү булды, аның барышында квалификацияле юридик ярдәмгә мохтаҗ 14 хөкем ителгән Федераль миграция хезмәтенең Татарстан Республикасы буенча идарәсе, Татарстан Республикасы буенча Россия Пенсия фондының белгечләре, төзәтү колониясендәге хөкем ителгәннәрнең гаризаларын алдан өйрәнү нигезендә чакырылган адвокат һәм нотариус белән очраштылар.

Мәҗбүри тоту урыннарында кабул итүләр үткәрүне оештыру барышында кабул итүдә катнашуга Татарстан Республикасында Кеше хокуклары буенча вәкаләтле вәкил аппараты вәкилләрен җәлеп итү тәҗрибәсе урнашты. Консультант белгечләргә юридик ярдәм сорап мөрәҗәгать иткән хөкем ителгәннәр кабул итү өчен билгеләнгән сәгатьләрдә ТР да Кеше хокуклары буенча вәкаләтле вәкил аппараты хезмәткәрләре белән әңгәмә кора, аларга үзләренең сорауларын бирә, үзләренең гражданлык хокукларының күләмен тәгаенли алалар.

Проектны тормышка ашыру дәвам итә. Проектны оештыручылар һәм проектта катнашучылар киләсе кабул итүне, Казан эчендәге төзәтү учреждениеләре белән генә чикләнеп калмыйча, республика муниципаль районнарының берсендә урнашкан төзәтү колониясендә уздырырга уйлыйлар.

 

ТР Юстиция министрлыгының матбугат хезмәте