Федераль регистрны һәм муниципаль норматив хокукый актлар регистрын алып бару мәсьәләләренә багышланган киңәшмә-семинар

2012 елның 20 июне, чәршәмбе
2012 елның 19 июнендә Татарстан Республикасы Юстиция министрлыгының Татарстан Республикасы норматив хокукый актларының бердәм банкы бүлеге һәм Хокук мәсьәләләре буенча җирле үзидарә органнары белән үзара хезмәттәшлекне оештыру департаменты белгечләре федераль регистрны һәм Россия Федерациясе субъектлары муниципаль норматив хокукый актлары регистрын алып бару мәсьәләләренә багышланган киңәшмә-семинарда катнаштылар.Ул Ульяновск өлкәсе Хөкүмәтендә узды.
Россия Федерациясе Юстиция министрлыгының Закон проектлары эшчәнлеге һәм ведомство норматив актларын теркәү департаментының Россия Федерациясе субъектлары норматив хокукый актлары һәм федераль регистр бүлеге җитәкчесе урынбасары Борисова И.А. “Федераль регистрны һәм Россия Федерациясе субъектлары муниципаль норматив хокукый актлары регистрын алып барудагы кыенлыклар” темасына багышланган нотык белән чыгыш ясады.
Киңәшмә барышында муниципаль норматив хокукый актларга хокукый экспертиза үткәрү, шулай ук аларны әзерләгәндә юридик техника кагыйдәләренең үтәлеше мәсьәләләренә кагылдылар, муниципаль хокукый актлар кабул иткәндә җирле үзидарә органнары тарафыннан җибәрелә торган типик бозулар буенча мисаллар китерделәр.
Җирле үзидарә вәкиллекле органнарының салымнар һәм җыемнар турында муниципаль хокукый актларның үз көченә керү тәртибе буенча законнардагы таләпләрне төрлечә аңлаулары, җирле үзидарә органнары сайтларында алар тарафыннан кабул ителгән норматив хокукый актларны урнаштыруның киң таралган очраклары турында да фикер алыштылар.
Бер төркем Россия Федерациясесубъектлары кәгазьдән электрон документлар әйләнешенә күчү процессының үсә баруы белән бәйле рәвештә муниципаль хокукый актлар регистры турында законнарга регистрны фәкать электрон рәвештә алып бару өлешендә үзгәрешләрне керткән дә инде. Моңа бәйле рәвештә АРМ «Муниципал» системасын урнаштыруның максатка ярашлы булуы турында фикер әйтелде, ул Регистрга белешмәләрне үз вакытында кертүне тәэмин итәр иде.
 
ТР Юстиция министрлыгының матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International