Районнарда консультацияләр үткәрү дәвам итә

Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты бүлекләре тарафыннан җирле үзидарә органнарына мәгълүмат-консультация һәм юридик ярдәм күрсәтү буенча башкарыла торган эшне дәвам итеп, Кама Тамагы муниципаль районы җитәкчелеге үтенече буенча районның муниципаль органнары белгечләренә һәм җирлек башлыкларына хокукый ярдәм күрсәтелде.

2012 елның 25 июнендә, “Коррупциягә каршы тору өлкәсендә дәүләт идарәсен камилләштерүгә бәйле рәвештә Россия Федерациясенең аерым закон актларына үзгәрешләр кертү турында” 2011 елның 21 ноябрендәге 329-ФЗ номерлы Федераль законның нигезләмәләрен тормышка ашыру буенча гамәлләр күрүнең әһәмиятлелеген һәм кичектергесезлеген исәпкә алып, Кама Тамагы ш.т.п. да шәһәр һәм авыл җирлекләре башлыклары, муниципаль органнарның бүлек җитәкчеләре белән киңәшмә узды. Анда Татарстан Республикасы Юстиция министрлыгы Департаменты белгечләре югарыда күрсәтелгән Федераль законның нигезләмәләрен тормышка ашыру белән бәйле рәвештә законнардагы үзгәрешләр турында мәгълүмат бирделәр. Коррупциягә каршы үткәрелә торган чараларга бәйле рәвештә муниципаль норматив хокукый актларга үзгәрешләр һәм өстәмәләр кертү зарурлыгына, шулай ук норматив характердагы муниципаль хокукый актларны Татарстан Республикасы Юстиция министрлыгына, Татарстан Республикасы муниципаль норматив хокукый актлар регистрына кертү өчен, вакытында тапшыру мәсьәләләренә аерым игътибар бирелде.

Мәгълүмат-консультация чаралары муниципаль район Советы һәм башкарма комитеты аппаратында дәвам итте. Җирлекләрнең уставларына үзгәрешләр кертү, Муниципаль берәмлекләр советы карарлары проектларны әзерләү, элек кабул ителгән хокукый актларга, шул исәптән муниципаль районның административ комиссиясе башлангычы белән Җирлекләрнең торак пунктлары территорияләрен уңайлыкландыру, чисталык һәм тәртипне тәэмин итү кагыйдәләренә үзгәрешләр кертү, шулай ук кадрлар хезмәтендә муниципаль хезмәткәрләрнең эшләрен алып бару мәсьәләләре турында фикер алышынды.

Җирле үзидарә, муниципаль хезмәт, коррупциягә каршы тору турындагы законнардагы үзгәрешләр һәм өстәмәләрне, Татарстан Республикасы Юстиция министрлыгының муниципаль районнар һәм шәһәр округларының башлыкларына юлланган  2012 елның 21 маендагы 01-11/2905 номерлы “Муниципаль берәмлекләр уставларына үзгәрешләр кертү турында” хатын, җирлек башлыкларының муниципаль хезмәт, мәнфәгатьләр каршылыгын җайга салуга караган теләк-тәкъдимнәрен исәпкә алып, типик (модель) авыл җирлеге уставына нигезләнеп, авыл җирлегенең яңа уставы проекты әзерләнде.

Татарстан Республикасы Прокуратурасы, Татарстан Республикасы Юстиция министрлыгы, Татарстан Республикасы Муниципаль берәмлекләр советы, “Татарстан Республикасы Кама Тамагы муниципаль районы” муниципаль берәмлеге башлыгы арасында бердәй хокук мәйданын, норматив хокукый актларның законлылыгын һәм хокукый җайга салуның тулылыгын тәэмин итү өлкәсендәге үзара мөнәсәбәтләр турында төзелгән 2012 елның 7 июне килешүен тормышка ашыру кысаларында әзерләнгән авыл җирлегенең яңа уставы проекты Кама Тамагы районы прокуроры урынбасарында узган эшче киңәшмәдә каралды һәм аны эшләп бетерергә тәкъдим иттеләр.

 

ТР Юстиция министрлыгының матбугат хезмәте