Татарстан Республикасы Министрлыклары Татарстан Республикасы Юстиция министрлыгы

РЮА төбәк бүлеге яшь юристларының "ЮрИдел” Икенче Бөтенроссия җәйге яшьләр юридик лагере эшендә катнашуы турында

2012 елның 21 августы, сишәмбе

2012 елның 18 августындагы шимбә көнне Россия юристлар ассоциациясе төбәк бүлегенең Татарстан делегациясе, “ЮрИдел” Икенче Бөтенроссия җәйге яшьләр юридик лагере эшендә катнашып, Ульяновск өлкәсеннән әйләнеп кайтты. Форумга Россиянең төрле төбәкләреннән 185 яшь юрист килгән иде. “ЮрИдел”дә катнашучылар ике көн дәвамында тематик секцияләрдә эшләде, спорт чараларында көч сынашты һәм күңел ачу программаларында кәеф күтәрде.

Булачак юристлар Россия Федерациясенең адвокатлар палаталары президентлары - РЮА Президиумы әгъзасы, РФ Федераль адвокатлар палатасы президенты Евгениий Семеняко, Мәскәү шәһәре Адвокатлар палатасы президенты – РФ Федераль адвокатлар палатасы вице-президенты Генри Резник һәм Ульяновск өлкәсе Адвокатлар палатасы президенты Валерий Чернышов белән очрашты.

Түләүсез юридик ярдәм күрсәтү буенча хокук клиникалары эшчәнлегенә, түләүсез юридик ярдәмнең төбәк системасына, шулай ук коррупциягә каршы торуның юридик аспектларына кагылышлы мөһим темалар форум кысаларында эшләгән аерым секцияләрдә каралды.

Форум эшендә РЮА Яшь юристлар координацияләү советы рәисе, РЮА Аппараты җитәкчесе урынбасары Денис Паньшин катнашты. Ул Ассоциациянең яңа “Кадрлар резервы” проекты белән таныштырды. Әлеге яңарыш яшь юристларга юрист һөнәренә аңлы рәвештә килергә ярдәм итәргә тиеш.

Яшь юристларның Татарстан делегациясе, эш программасы тәмамланганнан соң, «Авиастар-СП» гражданлык авиациясе заводы музеена экскурсия ясады.

Җәйге юристлар лагерендә төрле төбәкләрдән катнашучылар арасында оештырылган дартс буенча спорт ярышында безнең командадан Анастасия Федотова, ТИСБИ Идарә университетының 4 курс студенты, кызлар арасындагы шәхси сынауда 2 урынны алды.

ТР Юстиция министрлыгының матбугат хезмәте

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Татарстан Гадәттән тыш хәлләр министрлыгы һәм Юстиция министрлыгы юлларда куркынычсызлык турында искә төшерә

Яз рәсми рәвештә үз хокукларына керде, әмма урамнарда һәм юлларда әле элеккечә үк кар шактый күп. Кышкы шартлар саклану сәбәпле, Татарстан Республикасы Юстиция министрлыгы, Гадәттән тыш хәлләр министрлыгы белән берлектә, автомобиль хуҗаларына елның салкын вакытында транспорт чараларын эксплуатацияләү кагыйдәләрен үтәү кирәклеге турында искәртә.

Татарстан Республикасы юстиция министры урынбасары җирле үзидарә турында яңа законны гамәлгә ашыру турында сөйләде

“Россия 1. Татарстан” телеканалы эфирында Татарстан Республикасы юстиция министры урынбасары Мөхәррәм Ибәтов гавами хакимиятнең бердәм системасында җирле үзидарәне оештыруның гомуми принциплары турындагы федераль закон турында сөйләде. Аның сүзләренчә, әлеге законны гамәлгә ашыру республиканың барлык муниципаль берәмлекләре өчен өстенлекле бурыч булып тора.

март, 2026 ел

Сугышчан хәрәкәтләр ветераннары өстәмә ялга хокуклы булачак

Дәүләт Думасы хәрби хәрәкәтләр ветераннарына, шул исәптән махсус хәрби операциядә катнашучыларга өстәмә ялга хокук бирә торган закон кабул итте. Федерация советы шулай ук әлеге документны үзенең пленар утырышында хуплады.

Юстиция министрлыгы хезмәткәрләре Дәүләт хезмәткәрләре спартакиадасының чаңгы ярышларында катнаштылар

Татарстанда 2026 елгы Дәүләт хезмәткәрләре спартакиадасы старт алды. Узган ялларда Мирный бистәсендәге чаңгы-биатлон комплексы базасында узган традицион чаңгы ярышы ел саен уздырыла торган спартакиаданың беренче этабы булды.

ЯҢАЛЫКЛАРГА ЯЗЫЛУ

ФОТОРЕПОРТАЖНЫ КАРАУ Фоторепортаж