2012-2014 елларга коррупциягә каршы комплекслы республика программасы чараларының үтәлешен тикшерү нәтиҗәләре турында

2012 елның 24 августы, җомга
2012 елның 23 августында Татарстан Республикасы Юстиция министрлыгының мәгълүмат-аналитика эше, координацияләү һәм планлаштыру бүлеге белгечләре 2012-2014 елларга коррупциягә каршы комплекслы республика программасы чараларының ТР Спас муниципаль районында үтәлешенә күчмә тикшерү үткәрде.
Тикшерүчеләр район башлыгы каршындагы коррупциягә каршы тору комиссиясен, муниципаль хезмәткәрләрнең хезмәт урыннарындагы тәртибенә карата таләпләрнең үтәлеше һәм мәнфәгатьләр каршылыгын җайга салу комиссиясен оештыру һәм аларның эшләве мәсьәләләре, районда муниципаль норматив хокукый актларга (норматив хокукый актлар проектларына) коррупциягә каршы экспертиза үткәрүне оештыру һәм үткәрү мәсьәләләре, шулай ук республика программасының гамәлгә ашырылуы җирле үзидарә органнарына беркетелгән аерым чараларын үтәү барышы белән кызыксынды.
Тикшерү нәтиҗәләрен йомгаклап, район башлыгы урынбасары И.С.Гыйматдинов, район башлыгының коррупциягә каршы мәсьәләләр буенча ярдәмчесе Е.В.Купоросов һәм районда коррупциягә каршы чаралар үткәрү өчен җаваплы башка вазыйфаи затлар катнашында киңәшмә уздырылды.
Киңәшмәдә тикшерүнең башлангыч нәтиҗәләре турында сөйләштеләр, районда коррупциягә каршы чаралар үткәрү өчен җаваплы затларның эшчәнлегендәге төп проблемаларны билгеләделәр, районның җирле үзидарә органнарында коррупциягә каршы тору эшен яхшыртуга кагылган теләк-тәкъдимнәр бирделәр.
Тикшерү нәтиҗәләреннән чыгып, коррупциягә каршы тору эшен яхшыртуга кагылган теләк-тәкъдимнәр бәян ителгән белешмә, алга таба эшендә куллану өчен, Спас муниципаль районы башлыгы К.А.Нугаевка юлланачак.
 
ТР Юстиция министрлыгының матбугат хезмәте
 
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International