ТР Чүпрәле районында дини экстремизмны профилактикалауга һәм аңа каршы торуга юнәлтелгән чаралар турында

2012 елның 28 августында Татарстан Республикасы юстиция министрының беренче урынбасары С.Н.Столяров, 2012-2014 елларга Татарстан Республикасында террорчылыкны һәм экстремизмны профилактикалауга караган республика максатчан программасын тормышка ашыру мәсьәләләре буенча ведомствоара эшче төркем әгъзасы буларак, Татарстан Республикасының Чүпрәле муниципаль районында дини экстремизмны профилактикалауга һәм аңа каршы торуга юнәлтелгән чараларда катнашты.

Аерым алганда, районның террорчылыкка каршы комиссиясе утырышы булды, анда райондагы мәгариф учреждениеләренең иминлеге торышы һәм аларның террорчылыктан якланганлыгы һәм “Экстремизмга – юк!” айлыгын үткәрү мәсьәләләре каралды. Фикер алышу барышында С.Н.Столяров дини экстремизмны профилактикалау һәм аңа каршы тору мәсьәләләренә игътибар бирелгән мәгълүматлар җиткерде.

Чара кысаларында Татарстан Республикасы Чүпрәле муниципаль районы Советының чираттан тыш утырышы булды, көн кадагына Чүпрәле муниципаль районында дини экстремизмның торышы һәм аны профилактикалау һәм аңа каршы тору чаралары турында һәм 2012-2014 елларга Татарстан Республикасы Чүпрәле районының коррупциягә каршы комплекслы программасына үзгәрешләр кертү хакында мәсьәләләр куелган иде. Район Советы утырышында юстиция министрының беренче урынбасары С.Н.Столяров та катнашты.

 

ТР Юстиция министрлыгының матбугат хезмәте