Татарстанның Алексеевск муниципаль районында күчмә кабул итү

2012 елның 26 сентябрендә Татарстан Республикасының Алексеевск муниципаль районы территориясендә авыл җирлекләре халкына түләүсез юридик ярдәм күрсәтү буенча мәгълүмат-консультация төркеме тарафыннан күчмә кабул итү булды.

Кабул итү Ромодан һәм Биләр авыл җирлекләрендә оештырылды, аның барышында районның 43 кешесенә хокукый ярдәм күрсәтелде.

Әлеге һәм якын-тирәдәге авыл җирлекләре халкын борчыган сораулар төрле органнар һәм хезмәтләр компетенциясенә  карады. Шуларның ТР Җир һәм мөлкәт мөнәсәбәтләре министрлыгына – 10 сы, ТР Хезмәт, халыкны эш белән тәэмин итү һәм социаль яклау министрлыгына – 8 е, Россия Пенсия фондының ТР буенча хезмәтенә – 4 се юлланды. Адвокат 5 кешегә консультация бирде, Муниципаль берәмлекләр советы белгечләреннән исә 4 граждан ярдәм сорады.

Статистикага күз салсак, хокук ярдәменә күбесенчә пенсия яшендәге кешеләр мохтаҗ. Алексеевск районында кабул итүне уздыру вакытында, хокукка кагылышлы консультация бирүне үтенеп, 12 пенсионер, шул исәптән 2 инвалид мөрәҗәгать итте. Юридик ярдәм шулай ук 11 хезмәткәргә, 6 авыл җирлеге башлыгына, 4 эшсезгә һәм 1 эшчегә күрсәтелде.

Гражданнарны һәм авыл җирлекләренең вазыйфаи затларын кабул итүдә мәгълүмат-консультация төркеме белгечләре белән бергә Алексеевск муниципаль районы Советы рәисе урынбасары Г.В.Белова катнашты. Ул Алексеевск муниципаль районы башлыгы В.К.Козанков исеменнән башкарылган эш өчен оештыручыларга һәм мәгълүмат-консультация төркеме белгечләренә олы рәхмәтен белдерде.

 

ТР Юстиция министрлыгының матбугат хезмәте