Россия юристлары ассоциациясенең ТТБ каршындагы Яшь юристлар советы утырышы

2012 елның 27 сентябрендә Татарстан Юстиция министрлыгында Россия юристлары ассоциациясенең Татарстан төбәк бүлеге каршындагы Яшь юристлар советы утырышы булды. Анда халыкка түләүсез юридик ярдәм күрсәтү мәсьәләләре, закон проектларына җәмәгатьчелек экспертизасы һәм “Хокук мәктәбе” проекты турында фикер алыштылар. Утырышны Совет рәисе Станислав Александров алып барды.Яшь юристлар Казан шәһәрендә Ульянов урамында урнашкан В.И.Ульянов-Ленин музей-йорты базасында гражданнарга квалификацияле түләүсез юридик ярдәм күрсәтү буенча үз пунктын төзү турында карар кабул иттеләр. Бу максатта Казанның 5 әйдәүче югары уку йортында – КФУ, ИСГЗ, ИЭУП, ТИСБИ, РФ Юстиция министрлыгы каршындагы РПА - яшь юристлардан гыйбарәт эш төркемнәре төзеләчәк, закон проектларына яшь юристлар тарафыннан җәмәгать экспертизасы, шулай ук “Хокук мәктәбе” проекты буенча эшләү өчен аерым эш төркемнәре оештырылачак. Алар Совет кысаларында тиешле мәсьәләләрне тормышка ашыру белән шөгыльләнәчәк.Россия юристлары ассоциациясенең ТТБ каршындагы Яшь юристлар советы әгъзалары Эльвира Вәгыйзова, Алексей Дмитриев, Руслан Галиуллин, Тимур Какохо, Анастасия Федотова Совет эшчәнлегенең төп юнәлешләре турында фикер алышуда катнаштылар һәм Россия юристлары ассоциациясенең мөһим проектларын тормышка ашыруда конструктив катнашуга әзер булулары турында белдерделәр.

ТР Юстиция министрлыгының матбугат хезмәте