Нурлат муниципаль районы җирле үзидарә органнарына хокукый һәм методик ярдәм күрсәтү

2012 елның 4 октябрендә Татарстан Республикасы Нурлат муниципаль районында, муниципаль берәмлекләргә хокукый һәм методик ярдәм күрсәтү максатларында Татарстан Республикасы Юстиция министрлыгының Хокук мәсьәләләре буенча җирле үзидарә органнары белән үзара хезмәттәшлекне оештыру департаменты хезмәткәрләре Татарстан Республикасы муниципаль берәмлекләр Советы белгечләре белән берлектә Нурлат муниципаль районының җирле үзидарә органнары белән очрашу үткәрде.

Муниципаль районның һәм аның составына керүче җирлекләрнең җирле үзидарә органнары вәкаләтләрен тормышка ашыру барышында барлыкка килә торган төп проблемалы мәсьәләләр Нурлат муниципаль районы башлыгы Н.Ш.Шарапов һәм Нурлат муниципаль районы башкарма комитеты җитәкчесе Х.Х.Садыков катнашында узган “түгәрәк өстәл”дә карап тикшерелде.

Департамент хезмәткәрләре тарафыннан җирле үзидарә органнарының кайбер эшчәлек юнәлешләренә алданрак уздырылган анализны исәпкә алып, аерым алганда, районның административ комиссияләре эшчәнлеген оештыру, муниципаль норматив хокукый актларга һәм аларның проектларына коррупциягә каршы экспертиза үткәрү, Татарстан Республикасында дини экстремизмны профилактикалау һәм аңа каршы тору буенча тиешле чаралар күрүгә караган теләк-тәкъдимнәр бирелде.

“Россия Федерациясенең аерым закон актларына коррупциягә каршы тору өлкәсендә дәүләт идарәсен камиләштерү белән бәйле үзгәрешләр кертү турында” 2011 елның 21 ноябрендәге 329-ФЗ номерлы Федераль законның нигезләмәләрен гамәлгә ашыру буенча кирәкле чаралар күрүгә аеруча игътибар бирергә киңәш ителде.

Әлеге чара барышында Департамент хезмәткәрләре җирле үзидарә органнары турындагы законнардагы соңгы үзгәрешләрне һәм аларны куллануга бәйле рәвештә туа торган сорауларны бәян иттеләр.

Җирле үзидарә органнарының вазыйфаи затлары кызыксынган һәр мәсьәлә буенча тиешле консультацияләр бирелде.

Районның җирле үзидарә органнарының вазыйфаи затлары белән бергә күрсәтелгән юнәлешләр буенча эшне алга таба камилләштерү юллары билгеләнде.

 

ТР Юстиция министрлыгының матбугат хезмәте