2012-2014 елларга коррупциягә каршы комплекслы республика программасын гамәлгә ашыруны тикшереп тору турында

2012-2014 елларга коррупциягә каршы комплекслы республика программасы чараларын башкаруны тикшерү графигына ярашлы рәвештә, 2012 елның 21 һәм 26 декабрь көннәрендә Татарстан Республикасы Юстиция министрлыгының мәгълүмат-аналитика эше, координацияләү һәм планлаштыру бүлеге хезмәткәрләре узып баручы елдагы соңгы тикшерүләрен уздырды. Бу юлы югарыда күрсәтелгән Программа чараларының Татарстан Республикасы Инвестиция үсеше агентлыгында һәм Татарстан Республикасының Аксубай муниципаль районында башкарылуы тикшерелде.

Тикшерү барышында Коррупциягә каршы комплекслы республика программасының башкарылуы Татарстан Республикасының башкарма хакимияте органнарына һәм җирле үзидарә органнарына беркетелгән чараларны гамәлгә ашыру эше өйрәнелде.

Аерым алганда, Татарстан Республикасы Инвестиция үсеше агентлыгы җитәкчесе каршындагы комиссияләрнең һәм Аксубай муниципаль районы башлыгы каршындагы Коррупциягә каршы тору комиссиясенең, хезмәт урынындагы тәртипне саклау һәм мәнфәгатьләр каршылыгын җайга салу буенча тиешле комиссияләрнең эшләү мәсьәләләре, коррупциягә каршы экспертиза үткәрүне оештыру мәсьәләләре, шулай ук программадагы башка чараларны үтәү барышы каралды.

2012-2014 елларга коррупциягә каршы комплекслы республика программасын үтәү буенча Агентлыкта башкарыла торган эш турында Татарстан Республикасы Инвестиция үсеше агентлыгы җитәкчесе урынбасары Л.М.Саетовада уздырылган киңәшмәдә сөйләшү булды.

Аксубай муниципаль районындагы тикшерүгә башлангыч нәтиҗәләр район башлыгының коррупциягә каршы тору мәсьәләләре буенча ярдәмчесе Э.З.Крайнова катнашында чыгарылды.

Шуны билгеләп узарга кирәк: 2012-2014 елларга коррупциягә каршы комплекслы республика программасы чараларының Татарстан Республикасы башкарма хакимияте органнарында һәм җирле үзидарә органнарында башкарылуын тикшерү буенча Татарстан Республикасы юстиция министры тарафыннан расланган графиклар 2012 елда тулы күләмендә үтәлде (муниципаль районнарның җирле үзидарә органнарын тикшерү өлешендә югарыда искә алынган график хәтта 50%ка арттырып үтәлде).

2012 елда Татарстан Республикасы Юстиция министрлыгы тарафыннан уздырылган тикшерү нәтиҗәләре турындагы белешмәләр белән Татарстан Республикасы Юстиция министрлыгы сайтының «Коррупциягә каршы тору» бүлегендәге «2012-2014 елларга коррупциягә каршы комплекслы республика программасының үтәлешен тикшереп тору» бүлекчәсендә танышырга мөмкин.

 

ТР Юстиция министрлыгының матбугат хезмәте