Законнардагы яңалыклар
2021 елның 16 июлендә «Татарстан Республикасында урманнардан файдалану турында» Татарстан Республикасы Законының 3 статьясына үзгәрешләр кертү хакында» 2021 елның 16 июлендәге 53-ТРЗ номерлы Татарстан Республикасы Законы (алга таба – 53-ТРЗ номерлы Татарстан Республикасы Законы) үз көченә керде.
«Татарстан Республикасында урманнардан файдалану турында» 2008 елның 22 маендагы 22-ТРЗ номерлы Татарстан Республикасы Законының 3 статьясындагы 3 өлеше урманнардан файдалану, аларны саклау, яклау һәм яңадан торгызу өлкәсендә Татарстан Республикасы башкарма хакимияте органының түбәндәге вәкаләтләре белән тулыландырылды:
– гражданнар тарафыннан урман фонды җирләрендә үз ихтыяҗлары өчен әзерләнгән агач характеристикалары турында белешмәләрне дәүләт урман реестрына кертү;
– гражданнар тарафыннан Татарстан Республикасы милкендә булган урман кишәрлекләрендә, шул исәптән республика әһәмиятендәге махсус сакланыла торган табигать территорияләре җирләрендә гражданнарның үз ихтыяҗлары өчен әзерләнгән агачны исәпкә алу.
53-ТРЗ номерлы Татарстан Республикасы законы 2021 елның 16 июлендә Татарстан Республикасы Хокукый мәгълүматының рәсми порталында басылды.