Юстиция министрлыгында белем бирү семинары
Юстиция министрлыгында «Коррупциягә каршы тору мәсьәләләре буенча Интернет челтәрендә органнарның рәсми сайтларының бүлекләрен урнаштыру һәм тулыландыру» һәм «Кодекс» мәгълүмат системасының «Төбәк законнары аналитигы» автоматлаштырылган мәгълүмат системасын куллану практикасы»темаларына укыту семинары оештырылды.
Семинар республиканың барлык районнары белән видеоконференцэлемтә режимында узды, анда Татарстан Республикасы дәүләт хакимияте башкарма органнарының һәм җирле үзидарә органнарының коррупцион һәм башка хокук бозуларны профилактикалау өчен җаваплы вазыйфаи затлары, муниципаль берәмлекләрнең юридик хезмәтләре хезмәткәрләре, шулай ук Татарстан Республикасы Президентының Коррупциягә каршы сәясәт мәсьәләләре идарәсенең оештыру бүлеге мөдире һәм Татарстан Республикасы Прокуратурасының норматив хокукый актларының законлылыгына күзәтчелек бүлеге башлыгы катнашты.
Чараны ТР юстиция министрының беренче урынбасары Айнур Галимов һәм ТР юстиция министры урынбасары Мөхәррәм Ибәтов ачып җибәрделәр.
Укулар барышында түләүсез юридик ярдәм күрсәтүне оештыру һәм планлаштыру бүлеге башлыгы Илфат Мингалимов ММИ нәтиҗәләре мониторингы нәтиҗәләрен тәкъдим итте һәм ведомство һәм муниципаль коррупциягә каршы программаларга, норматив хокукый актлар проектларына коррупциягә каршы экспертиза оештырудагы җитешсезлекләргә һәм сайтларны Татарстан Республикасы Министрлар Кабинетының 2013 елның 4 апрелендәге 225 номерлы карарына туры китерү эшенең торышына җентекләп тукталды.
Җирле үзидарә һәм муниципаль регистрны алып бару өлкәсендә норматив хокукый эш бүлеге башлыгы Рәүф Гарипов җирле үзидарә органнары тарафыннан «Кодекс» мәгълүмат системасының «Төбәк законнары аналитигы» автоматлаштырылган мәгълүмат системасын куллану мәсьәләләре буенча агымдагы елның гыйнвар – август айларында башкарылган эшкә йомгак ясады.
Чыгыш нәтиҗәләре буенча җаваплы затларга «Кодекс» мәгълүмат системасын нормалар иҗат итүдә куллану мәсьәләләре буенча киңәшләр бирелде.