Татарстан Республикасы Юстиция министрлыгы коллегиясе утырышы
Юстиция министрлыгында юстиция министры Рөстәм Заһидуллин рәислегендә «Татарстан Республикасы Юстиция министрлыгы эшчәнлеген цифрлаштыру турында» коллегия утырышы узды.
Коллегия утырышында коллегия әгъзалары һәм министрлыкның структур бүлекчәләре җитәкчеләре катнашты. Министрлык белгечләре утырышта видео-конференц-элемтә режимында катнаштылар.
Коллегия кысаларында «Татарстан Республикасы Юстиция министрлыгы эшчәнлеген цифрлаштыру турында» доклад белән юстиция министрының беренче урынбасары Айнур Галимов чыгыш ясады.
Айнур Галимов үз чыгышында билгеләп үткәнчә, Татарстан Республикасы Премьер-министрының беренче урынбасары йөкләмәләрен үтәү йөзеннән, Юстиция министрлыгы тарафыннан ТР Цифрлаштыру министрлыгы белән берлектә
агымдагы елда Цифрлы трансформация планы һәм программасы эшләнде һәм расланды.
«Әлеге План эшчәнлекнең 3 төп юнәлешен үз эченә ала: дөнья юстициясе, нормалар иҗат итү һәм түләүсез юридик ярдәм. Һәр юнәлеш буенча цифрлы технологияләрне кертү буенча проектлар билгеләнде. Бу - җәмәгать судьяларын цифрлаштыру, муниципаль актларны исәпкә алуны автоматлаштыру, хокукый белем бирүнең һәм түләүсез юридик ярдәмнең бердәм дәүләт порталын булдыру», - дип хәбәр итте беренче урынбасар.
Коллегия утырышында шулай ук 2021 елда гражданнарның мөрәҗәгатьләрен карау һәм башкару дисциплинасы мәсьәләләре дә каралды. Әлеге тема буенча доклад белән эшләр идарәчесе Наил Латыйпов чыгыш ясады, анда Министрлыкның документлар әйләнеше, гражданнар мөрәҗәгатьләре белән эшләүнең төп нәтиҗәләрен әйтте, шулай ук коллектив белән бергә Татарстан Республикасы Юстиция министрлыгы музеен булдыру буенча эш башкарылганлыгын билгеләп үтте.
Коллегия утырышы ахырында Рөстәм Заһидуллин «Армат» хосусый сак предприятиесе сакчысы Фәнис Мирзинга Татарстан Республикасы Юстиция министрлыгының Мактау грамотасын тапшырды.