Татарстан Республикасы Юстиция министрлыгының йомгаклау коллегиясе утырышы
Бүген Татарстан Республикасы Юстиция министрлыгында «Татарстан Республикасы Юстиция министрлыгының 2021 елдагы эш йомгаклары һәм 2022 елга бурычлары турында» коллегия утырышы узды, аның эшендә Татарстан Республикасы Дәүләт Советы Рәисе Фәрит Мөхәммәтшин катнашты.
Коллегия башланыр алдыннан «ГАЗель NEXT» базасындагы Луидор маркалы махсус автомобильне тәкъдир итү булды. «ГАЗель NEXT» мобиль пунктлары автоном эшкә исәпләнгән кабинетлардан гыйбарәт, түләүсез юридик ярдәм күрсәтүнең күчмә пунктларын оештыру өчен билгеләнгән.Эчендә персонал өчен эш зонасы, шулай ук гражданнарны кабул итү зонасы оештырылган. Автомобильләр кондиционер һәм автоном җылыту белән җиһазландырылган. Аз хәрәкәтләнүче гражданнарга һәм өлкәннәргә салонга керүне җиңеләйтү өчен өстәмә рәвештә ачык дәрәҗәләр системасы каралган.
Моннан тыш, Фәрит Мөхәммәтшин Татарстан Республикасы Юстиция министрлыгы музееның беренче кунагы булды. ТР Дәүләт Советы Рәисе Татарстанда Юстиция министрлыгын торгызуның һәм үстерүнең төп чорларына багышланган музей экспозициясе белән танышты. Музейда узган еллар атмосферасын тудыручы 84 экспонат тәкъдим ителгән. Экспонатларның бер өлеше - министрлык хезмәткәрләре А.Г. Таҗетдинов, П.Д. Бурда туганнары тарафыннан музейга тапшырылган шәхси әйберләр, министрлык архивыннан алынган эшләр. Музей аудио экскурсиясе, мультимедиа фоторамкалары (интерактив мониторлар) һәм интерактив сенсор киоскы (өстәл) белән җиһазландырылган. Киләчәктә күргәзмә коллекциясен экспонатлар һәм архив документлары белән тулыландыру планлаштырыла.
Утырыш барышында юстиция министры Рөстәм Заһидуллин эшчәнлекнең төп юнәлешләре буенча эшкә йомгак ясады һәм 2022 елга өстенлекле бурычларны билгеләде, алар белән министр докладында тулырак танышырга мөмкин. Рөстәм Заһидуллин үз чыгышында шулай ук министрлыкта цифрлы трансформация планы раслануын, анда Министрлык эшчәнлегенә заманча технологияләрне кертү буенча төп чаралар җәмәгать юстициясе өлкәсендә планлаштырылуын билгеләп үтте.
«2022 елда төзелгән инфраструктурада җәмәгать судьясына дәгъва гаризаларын электрон рәвештә бирү, судьяга яки документлар алу мөмкинлеген оештыру бурычы тора. Шулай ук суд приставлары хезмәте белән электрон хезмәттәшлек оештыру планлаштырыла» , - дип хәбәр итте министр.
Коллегия утырышы кысаларында шулай ук чакырылган кунаклар да докладлар белән чыгыш ясады.
Татарстан Республикасы Дәүләт Советы Рәисе Фәрит Мөхәммәтшин йомгаклау чыгышында Министрлыкның үз алдына куелган бурычларны тиешенчә үтәвен билгеләп үтте.
Утырыш ахырында Татарстан Республикасы Дәүләт Советы Рәисе һәм юстиция министры Министрлык хезмәткәрләренә лаеклы бүләкләр тапшырдылар һәм Татарстан Республикасының тапшырылган аерым дәүләт вәкаләтләрен үтәү өчен җаваплы затлар арасында «Үз һөнәрендә иң яхшысы» конкурсында җиңүчеләрне дипломнар белән бүләкләделәр.